Foto: Kapital.kz

Wlttıq Bank 2017 jılğı mausımda valyuta narığına qatısqanı turalı habarladı. 

Retteuşiniñ tüsindiruinşe, bas bank teñge qwbılmalılığınıñ işki valyuta narığındağı üdeuin şekteu maqsatında 101 mln AQŞ dolları mölşerinde satudı jüzege asıra otırıp, AQŞ dollarına degen artıq swranıstı qanağattandıru turalı şeşim qabıldağan. Valyutalıq intervenciya şetel valyutasına degen swranıstıñ şarıqtağan kezeñinde: 2017 jılğı 21 jäne 22 mausımda jürgizildi.

"2017 jılğı mausımda mwnay bağasınıñ tömendeu jäne Resey rubliniñ älsireu ürdisi bayqaldı, bwl işki valyuta narığına belgili bir därejede äser etti. 21 mausımda Brent markalı mwnay bağası narıqtıñ mwnay önimderimen jahandıq şekten tıs toluınıñ saqtaluına jäne OPEK kelissözderiniñ tiimdiligine baylanıstı qauip-qaterler ayasında bir barrel' üşin 45 AQŞ dollarınan tömen deñgeyge deyin arzandap, jıldıñ basınan bergi eñ tömengi mänge jetti. Resey rubliniñ bağamı irgeli faktordıñ özgeruine tez arada den qoydı, sodan keyin valyuta 1 AQŞ dolları üşin 60 rubl'ge deyin älsiredi", - delingen baspasöz habarlamasında.

Wlttıq bank sarapşılarınıñ bağalauınşa, inflyaciyalıq targetteu rejimi jağdayında valyutalıq intervenciyanı paydalanu ekonomikası damu üstindegi elderdiñ älemdik praktikasına säykes keledi.

Sonday-aq, Wlttıq Bank bwğan deyin Qazaqstannıñ işki valyuta narığı joğarı qwbılmalılıqqa wşırauı mümkin ekendigin atap ötkendigin eskerte otırıp: "Ayırbastau bağamı boyınşa irgeli ürdisti qalıptastıruğa kedergi keltirmey, valyuta bağamınıñ twraqsızdıqqa äkeletin kürt özgeruiniñ aldın alu maqsatında valyuta narığında intervenciya jürgizu qwqığın saqtadı", - dep mälimdedi.

 “The Qazaq Times”