فوتو: Kapital.kz

ۇلتتىق بانك 2017 جىلعى ماۋسىمدا ۆاليۋتا نارىعىنا قاتىسقانى تۋرالى حابارلادى. 

رەتتەۋشىنىڭ تۇسىندىرۋىنشە، باس بانك تەڭگە قۇبىلمالىلىعىنىڭ ىشكى ۆاليۋتا نارىعىنداعى ۇدەۋىن شەكتەۋ ماقساتىندا 101 ملن اقش دوللارى مولشەرىندە ساتۋدى جۇزەگە اسىرا وتىرىپ، اقش دوللارىنا دەگەن ارتىق سۇرانىستى قاناعاتتاندىرۋ تۋرالى شەشىم قابىلداعان. ۆاليۋتالىق ينتەرۆەنتسيا شەتەل ۆاليۋتاسىنا دەگەن سۇرانىستىڭ شارىقتاعان كەزەڭىندە: 2017 جىلعى 21 جانە 22 ماۋسىمدا جۇرگىزىلدى.

"2017 جىلعى ماۋسىمدا مۇناي باعاسىنىڭ تومەندەۋ جانە رەسەي ءرۋبلىنىڭ السىرەۋ ءۇردىسى بايقالدى، بۇل ىشكى ۆاليۋتا نارىعىنا بەلگىلى ءبىر دارەجەدە اسەر ەتتى. 21 ماۋسىمدا Brent ماركالى مۇناي باعاسى نارىقتىڭ مۇناي ونىمدەرىمەن جاھاندىق شەكتەن تىس تولۋىنىڭ ساقتالۋىنا جانە وپەك كەلىسسوزدەرىنىڭ تيىمدىلىگىنە بايلانىستى قاۋىپ-قاتەرلەر اياسىندا ءبىر باررەل ءۇشىن 45 اقش دوللارىنان تومەن دەڭگەيگە دەيىن ارزانداپ، جىلدىڭ باسىنان بەرگى ەڭ تومەنگى مانگە جەتتى. رەسەي ءرۋبلىنىڭ باعامى ىرگەلى فاكتوردىڭ وزگەرۋىنە تەز ارادا دەن قويدى، سودان كەيىن ۆاليۋتا 1 اقش دوللارى ءۇشىن 60 رۋبلگە دەيىن السىرەدى", - دەلىنگەن ءباسپاسوز حابارلاماسىندا.

ۇلتتىق بانك ساراپشىلارىنىڭ باعالاۋىنشا، ينفلياتسيالىق تارگەتتەۋ رەجيمى جاعدايىندا ۆاليۋتالىق ينتەرۆەنتسيانى پايدالانۋ ەكونوميكاسى دامۋ ۇستىندەگى ەلدەردىڭ الەمدىك پراكتيكاسىنا سايكەس كەلەدى.

سونداي-اق، ۇلتتىق بانك بۇعان دەيىن قازاقستاننىڭ ىشكى ۆاليۋتا نارىعى جوعارى قۇبىلمالىلىققا ۇشىراۋى مۇمكىن ەكەندىگىن اتاپ وتكەندىگىن ەسكەرتە وتىرىپ: "ايىرباستاۋ باعامى بويىنشا ىرگەلى ءۇردىستى قالىپتاستىرۋعا كەدەرگى كەلتىرمەي، ۆاليۋتا باعامىنىڭ تۇراقسىزدىققا اكەلەتىن كۇرت وزگەرۋىنىڭ الدىن الۋ ماقساتىندا ۆاليۋتا نارىعىندا ينتەرۆەنتسيا جۇرگىزۋ قۇقىعىن ساقتادى", - دەپ مالىمدەدى.

 “The Qazaq Times”