Foto: segodnya.ua

Reseydiñ Sırtqı ister ministri Sergey Lavrov AQŞ Prezidenti Donal'd Tramp pen Resey Prezidenti Vladimir Putinniñ arasında ötken kezdesudiñ nätijeleri jöninde baspasöz konferenciyasın ötkizdi. 

Sergey Lavrov qos basşınıñ arasındağı kelissözderge "konstruktivti" degen bağa berip, Resey men AQŞ-tıñ özara tiimdi ıntımaqtastıqqa dayın ekendikterin jetkizdi.

"Bwl şınında, wzaq äri mañızdı kezdesu boldı. Meniñ eki el basşısı da öz halqınıñ wlttıq müddesine adal, osı jolda özara tiimdi kelissözder men ıntımaqtastıq jolındağı äriptestikterge dayın degen boljamım aqtaldı. Resey men AQŞ arasındağı konfrontaciyalıq scenariyler qos memleket üşin de tiimsiz", - degen Sergey Lavrovtıñ sözin AQŞ Prezidenti Donal'd Tramp ta qoldadı.

Ol: "Mäskeu men Uaşingtondı endi alda köp jaqsı oqiğalar kütedi", - dedi.

Donal'd Tramp pen Vladimir Putin arasındağı kelissözder barısında Soltüstik Koreyanıñ jağdayı talqılanıp, 9 şildeden bastap Siriyanıñ Deraa, Kuneytra jäne Suveyda audandarında eki el beybit kelisimge keletin boldı.

Atap ötu kerek, Gamburgte ötip jatqan G20 sammitiniñ ayasında wyımdastırılğan kezdesu eñ wzağı jartı sağatqa sozıladı dep kütilgen bolatın. Degenmen eki el prezidenti arasındağı keşegi swhbat 2 sağatqa sozıldı.

“The Qazaq Times”