Microsoft kompaniyası "bwlttı" bağıttı damıtıp, qayta qwrılımdau procesi boyınşa 3 mıñnan asa qızmetkerin jwmıstan qısqartpaqşı, dep habarlaydı CBNC.

Äsirese qısqartu jwmıstarı satu böliminde jürgizilmek. Telearnanıñ aqparatınşa, Microsoft osı bölimdegi qızmetkerlerdiñ 10 payızın qısqartadı. Satu böliminde jwmıs istep jatqandardıñ 75 payızı AQŞ-tan tıs jerlerde qızmet etedi.

Microsoft ökilderiniñ sözinşe, kompaniya mwnday şeşimdi seriktester men klientter üşin wsınılatın qızmet sapasın jaqsartu maqsatında istep otır.

Sonday-aq, Microsoft "bwlttı" tehnologiya boyınşa ösimniñ bolatınına senimdi. Qazirgi uaqıtta osı bağıt boyınşa kompaniya Amazon jäne Google-men bäsekeles bolıp otır. Al soñğı uaqıtta Microsoft-tıñ "bwlttı" biznesi biraz tabıs alıp kelgen. Mısalı 2017 jıldıñ üşinşi qarjılıq toqsanında "bwlttı" qızmetten tüsim  15 payıza ösken, al Azure platformasınıñ ösimi 93 payızdı qwrağan.

"Microsoft qızmetkerleriniñ köpşiligin qısqartadı" degen qaueset 2017 jıldıñ mausım ayınan bastap BAQ-ta  taray bastadı. Kompaniya jwmısı qayta qwrılımdalatını turalı Bloomberg, TechCrunch, The Wall Street Journal sınıdı basılımdar jazğan edi. Alayda Microsoft qısqartuğa qatıstı eşbir tüsinikteme bergmegen.

“The Qazaq Times”