Älemniñ üzdik jwmıs beruşileri kimder?

Forbes basılımınıñ mälimetinşe, halıqaralıq üzdik jwmıspen qamtamasız etuşiler tizimin AQŞ kompaniyaları bastap twr.

Tizimniñ basında twrğan 10 kompaniyanıñ altauı AQŞ-ta ornalasqan.

Birinşi orın Google-dıñ enşiles kompaniyası, 72 mıñ qızmetkeri bar Alphabet-ke tiesili. Kompaniya qızmetkerleri kompaniyanıñ imidjin, jwmıs şarttarı men köp salalığın joğarı bağalaytın körinedi.

Ekinşi orında älemniñ eñ ülken tehnologiyalıq kompaniyası - Microsoft. Kompaniyanıñ taza paydası - 21,2 mlrd dollar, al narıqtağı qwnı 573,7 mlrd dollarğa bağalanadı.

1959 jılı negizi qalanğan Japan Exchange Group jalpı üzdik jwmıspen qamtamasız etuşilerdiñ tiziminde üşinşi bolıp otır.

Aymaqtıq bankter de tizimde üzdik orında: AQŞ-ta ornalasqan Northern Trust banki 12-orında, Tailandtıñ Kasikornbank-i 16-orında jäne filippindik BDO Unibank-i 23-orında.

Atalğan tizimdi jasau üşin mamandar 360 mıñnan astam wsınıs hattı taldadı. Qızmetkerler "jwmıs beruşisine qanday bağa beredi?", "jaqındarın osı kompaniyağa jwmısqa şaqıra ma?" degen sekildi swraqtarğa jauap berdi.

“The Qazaq Times”