Foto: qazaquni.kz

Ündistannıñ Bhubaneşvar qalasında jeñil atletikadan XXII Aziya çempionatınıñ resmi aşılu saltanatı ötti. Bwl turalı Jeñil atletika federaciyasınıñ baspasöz qızmetine silteme jasap qazaquni.kz portalı habarlap otır.

Aziya çemponatınıñ aşılu salantanatı 5 şildede 3, 5 ay bwrın ğana jöndeu jwmıstarı bastalğan Bhubaneşvardağı «Kalinga» stadionında ötti. Wyımdastıruşılar köremenderge 2 sağatqa sozılğan keremet şou sıyladı. Saltanattı şara kezinde jarıstı wyımdastıruşı memlekettiñ tarihı, «Aydahar bii», ündisterdiñ dästürli bii körsetildi. Sonday-aq soñında otşaşu boldı. Jeñil atletikanıñ mamandarı aşılu saltanatın öte joğarı bağaladı. Wyımdastıruşılar joğarı deñgeyde dayındalğan. Bwl soñğı jıldardağı Aziyadağı eñ üzdik aşılu saltanatarınıñ biri boldı.

Qazaqstan qwramasınıñ tuın balğa laqtıruşı Diana Nüsipbekova alıp jürdi. Aşılu saltanatına 6 şilde küni jügiretin sprinterler – Viktoriya Zyabkina men Ol'ga Safronova, sonımen qatar diskobol Evgeniy Milovackiy jäne t.b atletter qatısqan joq.

Jalpı alğanda, Bhubaneşvardağı Aziya çempionatında qwrlıqtıñ 800 üzdik atleti öner körsetedi. Olar 45 eldiñ namısın qorğaydı. Qazaqstan komandası Ündistanğa 3 şilde küni wşıp keldi. Bizdiñ eldiñ delegaciyası Astana jäne Almatı qalalarınan jinalıp, eki top bolıp bardı. Sarı qwrlıq dodasında elimizdiñ atınan 31 sportşı sınğa tüsedi. Olar aldağı Londonda ötetin älem çempionatınıñ normativin orındauğa tırısadı.

Jeñil atletikadan Aziya çempionatında öner körsetetin Qazaqstan qwraması

Erler

Vladislav Grigor'ev (100 jäne 200 metrge jügiru), Ivan Ivanov (yadro serpu) Vyaçeslav Zems (110 metrge tosqauıldar arqılı jügiru) Artur Gafner (nayza laqtıru), Danil Polyanskiy (sırıqpen sekiru), Roman Loşkarev (biiktikke sekiru), Aleksandr Kiselev (wzındıqqa sekiru), Igor' Kondrat'ev (400 metrge tosqauıldar arqılı jügiru), Dmitriy Koblov (400 metrge tosqauıldar arqılı jügiru), Andrey Sokolov (400 metrge jügiru jäne 4h400 boyınşa estafeta), Roman Valiev (üş qarğıp sekiru), Aleksey Gusarov (1500 metrge jügiru), Evgeniy Milovackiy (disk laqtıru).

Äyelder

Viktoriya Zyabkina (100 jäne 200 metrge jügiru jäne 4h100 boyınşa estafeta), Ol'ga Safronova (100 jäne 200 metrge jügiru jäne 4h100 boyınşa estafeta), Rimma Kaşafutdinova (4h100 boyınşa estafeta), Svetlana Golendova (4h100 jäne 4h400 boyınşa estafeta) YUliya Rahmanova (4h100 boyınşa estafeta), Anastasiya Tulapina (4h100 boyınşa estafeta).\, Anastasiya Vinogradova (100 metrge tosqauıldar arqılı jügiru), Äygerim Şınazbekova (100 metrge tosqauıldar arqılı jügiru) Elina Mihina metrge jügiru, 4h100 boyınşa estafeta), Merdjen Işangulieva ( 400 metrge tosqauıldar jügiru, 4h100 boyınşa estafeta), Tat'yana Neroznak (800, 1500 metrge jügiru, 4h100 boyınşa estafeta), Adelina Ahmetova (400 metrge tosqauıldar jügiru, 4h100 boyınşa estafeta)Nadejda Dubovickaya (biiktikke sekiru), Irina Ektova (üş qarğıp sekiru), Mariya Ovçinnikova (üş qarğıp sekiru), Diana Nüsipbekova (balğa laqtıru), Varvara Nazarova (nayza laqtıru), Nadejda Kirnos (jetisayıs).

Ayta keteyik, XXII Aziya çempionatı 6-9 şilde aralığında Ündistannıñ Bhubaneşvar qalasında ötedi.

“The Qazaq Times”