ءۇندىستاننىڭ بحۋبانەشۆار قالاسىندا جەڭىل اتلەتيكادان XXII ازيا چەمپيوناتىنىڭ رەسمي اشىلۋ سالتاناتى ءوتتى. بۇل تۋرالى جەڭىل اتلەتيكا فەدەراتسياسىنىڭ ءباسپاسوز قىزمەتىنە سىلتەمە جاساپ qazaquni.kz پورتالى حابارلاپ وتىر.

ازيا چەمپوناتىنىڭ اشىلۋ سالانتاناتى 5 شىلدەدە 3, 5 اي بۇرىن عانا جوندەۋ جۇمىستارى باستالعان بحۋبانەشۆارداعى «Kalinga» ستاديونىندا ءوتتى. ۇيىمداستىرۋشىلار كورەمەندەرگە 2 ساعاتقا سوزىلعان كەرەمەت شوۋ سىيلادى. سالتاناتتى شارا كەزىندە جارىستى ۇيىمداستىرۋشى مەملەكەتتىڭ تاريحى، «ايداھار ءبيى»، ۇندىستەردىڭ ءداستۇرلى ءبيى كورسەتىلدى. سونداي-اق سوڭىندا وتشاشۋ بولدى. جەڭىل اتلەتيكانىڭ ماماندارى اشىلۋ سالتاناتىن وتە جوعارى باعالادى. ۇيىمداستىرۋشىلار جوعارى دەڭگەيدە دايىندالعان. بۇل سوڭعى جىلدارداعى ازياداعى ەڭ ۇزدىك اشىلۋ سالتاناتارىنىڭ ءبىرى بولدى.

قازاقستان قۇراماسىنىڭ تۋىن بالعا لاقتىرۋشى ديانا نۇسىپبەكوۆا الىپ ءجۇردى. اشىلۋ سالتاناتىنا 6 شىلدە كۇنى جۇگىرەتىن سپرينتەرلەر – ۆيكتوريا زيابكينا مەن ولگا سافرونوۆا، سونىمەن قاتار ديسكوبول ەۆگەني ميلوۆاتسكي جانە ت.ب اتلەتتەر قاتىسقان جوق.

جالپى العاندا، بحۋبانەشۆارداعى ازيا چەمپيوناتىندا قۇرلىقتىڭ 800 ۇزدىك اتلەتى ونەر كورسەتەدى. ولار 45 ەلدىڭ نامىسىن قورعايدى. قازاقستان كومانداسى ۇندىستانعا 3 شىلدە كۇنى ۇشىپ كەلدى. ءبىزدىڭ ەلدىڭ دەلەگاتسياسى استانا جانە الماتى قالالارىنان جينالىپ، ەكى توپ بولىپ باردى. سارى قۇرلىق دوداسىندا ەلىمىزدىڭ اتىنان 31 سپورتشى سىنعا تۇسەدى. ولار الداعى لوندوندا وتەتىن الەم چەمپيوناتىنىڭ ءنورماتيۆىن ورىنداۋعا تىرىسادى.

جەڭىل اتلەتيكادان ازيا چەمپيوناتىندا ونەر كورسەتەتىن قازاقستان قۇراماسى

ەرلەر

ۆلاديسلاۆ گريگورەۆ (100 جانە 200 مەترگە جۇگىرۋ), يۆان يۆانوۆ (يادرو سەرپۋ) ۆياچەسلاۆ زەمس (110 مەترگە توسقاۋىلدار ارقىلى جۇگىرۋ) ارتۋر گافنەر (نايزا لاقتىرۋ), دانيل پوليانسكي (سىرىقپەن سەكىرۋ), رومان لوشكارەۆ (بيىكتىككە سەكىرۋ), الەكساندر كيسەلەۆ (ۇزىندىققا سەكىرۋ), يگور كوندراتەۆ (400 مەترگە توسقاۋىلدار ارقىلى جۇگىرۋ), دميتري كوبلوۆ (400 مەترگە توسقاۋىلدار ارقىلى جۇگىرۋ), اندرەي سوكولوۆ (400 مەترگە جۇگىرۋ جانە 4ح400 بويىنشا ەستافەتا), رومان ۆاليەۆ ء(ۇش قارعىپ سەكىرۋ), الەكسەي گۋساروۆ (1500 مەترگە جۇگىرۋ), ەۆگەني ميلوۆاتسكي (ديسك لاقتىرۋ).

ايەلدەر

ۆيكتوريا زيابكينا (100 جانە 200 مەترگە جۇگىرۋ جانە 4ح100 بويىنشا ەستافەتا), ولگا سافرونوۆا (100 جانە 200 مەترگە جۇگىرۋ جانە 4ح100 بويىنشا ەستافەتا), ريمما كاشافۋتدينوۆا (4ح100 بويىنشا ەستافەتا), سۆەتلانا گولەندوۆا (4ح100 جانە 4ح400 بويىنشا ەستافەتا) يۋليا راحمانوۆا (4ح100 بويىنشا ەستافەتا), اناستاسيا تۋلاپينا (4ح100 بويىنشا ەستافەتا).\، اناستاسيا ۆينوگرادوۆا (100 مەترگە توسقاۋىلدار ارقىلى جۇگىرۋ), ايگەرىم شىنازبەكوۆا (100 مەترگە توسقاۋىلدار ارقىلى جۇگىرۋ) ەلينا ميحينا مەترگە جۇگىرۋ، 4ح100 بويىنشا ەستافەتا), مەردجەن يشانگۋليەۆا ( 400 مەترگە توسقاۋىلدار جۇگىرۋ، 4ح100 بويىنشا ەستافەتا), تاتيانا نەروزناك (800, 1500 مەترگە جۇگىرۋ، 4ح100 بويىنشا ەستافەتا), ادەلينا احمەتوۆا (400 مەترگە توسقاۋىلدار جۇگىرۋ، 4ح100 بويىنشا ەستافەتا)نادەجدا دۋبوۆيتسكايا (بيىكتىككە سەكىرۋ), يرينا ەكتوۆا ء(ۇش قارعىپ سەكىرۋ), ماريا وۆچيننيكوۆا ء(ۇش قارعىپ سەكىرۋ), ديانا نۇسىپبەكوۆا (بالعا لاقتىرۋ), ۆارۆارا نازاروۆا (نايزا لاقتىرۋ), نادەجدا كيرنوس (جەتىسايىس).

ايتا كەتەيىك، XXII ازيا چەمپيوناتى 6-9 شىلدە ارالىعىندا ءۇندىستاننىڭ بحۋبانەشۆار قالاسىندا وتەدى.

“The Qazaq Times”