Foto: akorda.kz

Şağın jäne orta biznes Astananıñ jalpı tabısınıñ 65 payızın qwraydı. Bwl turalı Prezident Nwrswltan Nazarbaev Astana künine arnalğan saltanattı is-şara kezinde mälimdedi.

Nwrswltan Nazarbaev Astananıñ bügingi damu ırğağı bükil elimizdiñ jañaruına serpin beretinin ayttı.

– Biz ekonomikada, sayasatta jäne mädeniette auqımdı jañğırudı iske asırıp kelemiz. Sol jwmıstıñ nätijesi elimizdi damıtuğa arnalğan. Damuımızdıñ basında ärdayım Astana twradı. Biz mwnda türli mäseleni, sonıñ işinde älemniñ är tükpirinde beybitşilik ornatu mäselesin de şeşip kelemiz. Bizdiñ beybit, tatu körşilik jäne investiciya tartu jönindegi sayasatımız ärbir Qazaqstan azamatı üşin qolaylı jağday jasauğa bağıttalğan, – dedi Nwrswltan Nazarbaev.

Sonday-aq, Prezident «EKSPO-2017» körmesiniñ arqasında Qazaqstan halıqaralıq qoğamdastıq nazarın özine audartıp otırğanın atap ötti.

"Qonaqtarımız Astanağa tamsana qaraydı. Biz – ğasırlar toğısında jaña megapolis salğan birden-bir memleketpiz. Büginde Astana jılına el byudjetine trillion teñge qwyıp keledi. Bwl orayda, barlıq kiristiñ 65 payızı şağın jäne orta biznesten tüsip otır. Biz Astananıñ qalıptasuınıñ kuäsi boldıq", - dedi Prezident.

 “The Qazaq Times”