Jekeşelendiriletin wlttıq kompaniyalar. Koladj. QT

Qazaqstannıñ Wlttıq ekonomika ministri Timur Süleymenov ükimettiñ otırısında jekeşelendiru barısı turalı bayandadı, dep habarlaydı ministrliktiñ baspasöz qızmeti. Onıñ sözinşe, jekeşelendiruden 4,7 mlrd dollar şamasında tabıs tüsui mümkin. 

«Prezident öziniñ Joldauında memlekettiñ wlttıq ekonomikağa qatısu ülesin EIDW elderiniñ deñgeyine säykes keletin JİÖ boyınşa 15%-ğa deyin azaytudı tapsırdı», - dedi Süleymenov.

Ol atalğan körsetkişke qol jetkizu Yellow Pages principterin saqtau, 2020 jılğa deyin Jekeşelendirudiñ keşendi josparın jüzege asıru, bwl wstanımdarğa säykes kelmeytin kompaniyalardı qayta qwru jäne joyu arqılı mümkin bolatının atap körsetti.

Ministrliktiñ mälimetinşe, qazirgi uaqıtta satılatın 589 wyım qaldı, onıñ işinde 2017 jılı 488 wyımdı, al 2018 jılı 101 wyımdı satu josparlanğan.

"İri kompaniyalardı satu mäselesi Memlekettik komissiyanıñ otırıstarında twraqtı negizde qarastırıladı. Büginde TOP-68-den 32 aktivti, onıñ işinde respublikalıq menşiktegi 8 kompaniya men «Samwrıq-Qazına» qorınıñ 24 kompaniyasın, sonday-aq  140 aktivi men onıñ bäsekelestik ortağa beruge jatatın tobınan 168-in satu boyınşa şeşim qabıldanıp otır», - dedi Süleymenov.

Onıñ keltirgen mälimetteri boyınşa, 2014 jılğı mausımnan 2017 jılğı 23 mausımğa deyin jalpı soması 125,5 mlrd teñgege 451 nısan satılğan.

«2018 jılı Jekeşelendirudiñ keşendi josparı boyınşa nısandardı satu ayaqtalatın boladı, al satu mäselesi tıñğılıqtı jäne egjey-tegjeyli dayındıqtı qajet etetin «Samwrıq-Qazına» WÄQ» AQ-nıñ iri 17 kompaniyası 2019-2020 jıldarğa josparlanıp otır», - dedi ministr.

Ol memlekettik menşikti jekeşelendiruden jäne wlttıq basqaruşı holdingteriniñ qwramına kiretin aktivterdi satudan tüsetin tabıs 4-7 milliard dollardı qwraytının atap ötti, tüsimderdiñ kölemi sauda nätijelerine baylanıstı bolmaq.

«Investorlar negizinen «Samwrıq-Qazına» Qorınıñ 47 iri aktivine qızığuşılıq tanıtıp otır, onıñ 7-eui IPO/SPO arqılı satılatın boladı. Qordıñ iri kompaniyalarınıñ IPO strategiyası boyınşa qabıldanğan şeşimderine oray, IPO-dan tüsetin tüsimderiniñ boljaldı kölemi 3,5 mlrd AQŞ dollarınan 5,5 mlrd AQŞ dollarına deyingi qarajattı qwrauı mümkin», - dedi Süleymenov.

“The Qazaq Times”