قازاقستاننىڭ ۇلتتىق ەكونوميكا ءمينيسترى تيمۋر سۇلەيمەنوۆ ۇكىمەتتىڭ وتىرىسىندا جەكەشەلەندىرۋ بارىسى تۋرالى باياندادى، دەپ حابارلايدى مينيسترلىكتىڭ ءباسپاسوز قىزمەتى. ونىڭ سوزىنشە، جەكەشەلەندىرۋدەن 4,7 ملرد دوللار شاماسىندا تابىس ءتۇسۋى مۇمكىن.
«پرەزيدەنت ءوزىنىڭ جولداۋىندا مەملەكەتتىڭ ۇلتتىق ەكونوميكاعا قاتىسۋ ۇلەسىن ەىدۇ ەلدەرىنىڭ دەڭگەيىنە سايكەس كەلەتىن ءجىو بويىنشا 15%-عا دەيىن ازايتۋدى تاپسىردى»، - دەدى سۇلەيمەنوۆ.
ول اتالعان كورسەتكىشكە قول جەتكىزۋ Yellow Pages پرينتسيپتەرىن ساقتاۋ، 2020 جىلعا دەيىن جەكەشەلەندىرۋدىڭ كەشەندى جوسپارىن جۇزەگە اسىرۋ، بۇل ۇستانىمدارعا سايكەس كەلمەيتىن كومپانيالاردى قايتا قۇرۋ جانە جويۋ ارقىلى مۇمكىن بولاتىنىن اتاپ كورسەتتى.
مينيسترلىكتىڭ مالىمەتىنشە، قازىرگى ۋاقىتتا ساتىلاتىن 589 ۇيىم قالدى، ونىڭ ىشىندە 2017 جىلى 488 ۇيىمدى، ال 2018 جىلى 101 ۇيىمدى ساتۋ جوسپارلانعان.
ء"ىرى كومپانيالاردى ساتۋ ماسەلەسى مەملەكەتتىك كوميسسيانىڭ وتىرىستارىندا تۇراقتى نەگىزدە قاراستىرىلادى. بۇگىندە توپ-68-دەن 32 اكتيۆتى، ونىڭ ىشىندە رەسپۋبليكالىق مەنشىكتەگى 8 كومپانيا مەن «سامۇرىق-قازىنا» قورىنىڭ 24 كومپانياسىن، سونداي-اق 140 اكتيۆى مەن ونىڭ باسەكەلەستىك ورتاعا بەرۋگە جاتاتىن توبىنان 168-ءىن ساتۋ بويىنشا شەشىم قابىلدانىپ وتىر»، - دەدى سۇلەيمەنوۆ.
ونىڭ كەلتىرگەن مالىمەتتەرى بويىنشا، 2014 جىلعى ماۋسىمنان 2017 جىلعى 23 ماۋسىمعا دەيىن جالپى سوماسى 125,5 ملرد تەڭگەگە 451 نىسان ساتىلعان.
«2018 جىلى جەكەشەلەندىرۋدىڭ كەشەندى جوسپارى بويىنشا نىسانداردى ساتۋ اياقتالاتىن بولادى، ال ساتۋ ماسەلەسى تىڭعىلىقتى جانە ەگجەي-تەگجەيلى دايىندىقتى قاجەت ەتەتىن «سامۇرىق-قازىنا» ۇاق» اق-نىڭ ءىرى 17 كومپانياسى 2019-2020 جىلدارعا جوسپارلانىپ وتىر»، - دەدى مينيستر.
ول مەملەكەتتىك مەنشىكتى جەكەشەلەندىرۋدەن جانە ۇلتتىق باسقارۋشى حولدينگتەرىنىڭ قۇرامىنا كىرەتىن اكتيۆتەردى ساتۋدان تۇسەتىن تابىس 4-7 ميلليارد دوللاردى قۇرايتىنىن اتاپ ءوتتى، تۇسىمدەردىڭ كولەمى ساۋدا ناتيجەلەرىنە بايلانىستى بولماق.
«ينۆەستورلار نەگىزىنەن «سامۇرىق-قازىنا» قورىنىڭ 47 ءىرى اكتيۆىنە قىزىعۋشىلىق تانىتىپ وتىر، ونىڭ 7-ەۋى IPO/SPO ارقىلى ساتىلاتىن بولادى. قوردىڭ ءىرى كومپانيالارىنىڭ IPO ستراتەگياسى بويىنشا قابىلدانعان شەشىمدەرىنە وراي، IPO-دان تۇسەتىن تۇسىمدەرىنىڭ بولجالدى كولەمى 3,5 ملرد اقش دوللارىنان 5,5 ملرد اقش دوللارىنا دەيىنگى قاراجاتتى قۇراۋى مۇمكىن»، - دەدى سۇلەيمەنوۆ.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى