Oñtüstik Qazaqstan oblısınıñ äkimi Janseyit Tüymebaev jwmıs saparımen Maqtaral audanında bolıp, birqatar şarua qojalıqtar men öndiris oşaqtarınıñ jwmıstarımen tanıstı. Sonday-aq, jılına üş ret egin egip, elimizdiñ soltüstik aymaqtarın bau-baqşa önimderimen qamtıp otırğan eñbekqor şarualarmen kezdestiğ dep habarlaydı oblıs äkimdiginiñ baspasöz qızmeti. 

Maqtaral audanınıñ äkimi Ğ.Ismailovtıñ sözinşe,  biılğı jılı 131,4 mıñ gektarğa  egin egilgen. Onıñ işinde 94 mıñ gektarğa maqta, 368,4 gektarına künbağıs, 85 ga kartop, 24 mıñ gektardan astam jerge baqşa önimderi, al 2417,3 ga kökönis, 56 gektarğa jüzim men tağı basqa da önimder egilgen. Maqtaraldıq diqandar egilgen 18,4 mıñ gektar qauınnan büginde 19 mıñ tonnadan astam baqşa daqılın jinap, onıñ 70 payızın şetelge eksporttasa, qalğan 30 payızın Qazaqstan narığına saudalağan.

Sonday-aq, oblıs äkimi erte köktemnen eginin egip, mol önim jinap Qazaqstan men şetel narığına şığarıp jatqan Maqtaral auıldıq okrugindegi jeke käsipker A.Boevtıñ bau-baqşasımen tanıstı. Mwndağı baudıñ 8 gektarına alma men alhorı, 1 gektarına anar, 20 gektar jerine jüzim otırğızılğan.

Biıl «Hamro ata» şarua qojalığı şağın 18 qojalıqtı biriktirip, kooperaciya qwrıp otır. Osınıñ negizinde eñbek önimdiligin arttırıp mol tabıs tabudı közdep otırğan şarualar memleketten bölinetin ärtürli jeñildikter men subsidiyağa jäne lizing arqılı jaña tehnikağa qol jetkizip otırğandarın aytadı.

Kooperativtiñ jalpı jer kölemi 339,4 gektar bolsa, onıñ 6 gektarına jılıjay, 274,4 gektar jerine maqta, 15 gektarğa qauın, 20 gektarğa joñışqa, 10 gektar jerge jügeri, 8 gektarğa jemis-jidek, 1 gektarğa anar, 20 gektarğa jüzim egilgen.

“The Qazaq Times”