وڭتۇستىك قازاقستان وبلىسىنىڭ اكىمى جانسەيىت تۇيمەباەۆ جۇمىس ساپارىمەن ماقتارال اۋدانىندا بولىپ، بىرقاتار شارۋا قوجالىقتار مەن ءوندىرىس وشاقتارىنىڭ جۇمىستارىمەن تانىستى. سونداي-اق، جىلىنا ءۇش رەت ەگىن ەگىپ، ەلىمىزدىڭ سولتۇستىك ايماقتارىن باۋ-باقشا ونىمدەرىمەن قامتىپ وتىرعان ەڭبەكقور شارۋالارمەن كەزدەستىع دەپ حابارلايدى وبلىس اكىمدىگىنىڭ ءباسپاسوز قىزمەتى. 

ماقتارال اۋدانىنىڭ اكىمى ع.يسمايلوۆتىڭ سوزىنشە،  بيىلعى جىلى 131,4 مىڭ گەكتارعا  ەگىن ەگىلگەن. ونىڭ ىشىندە 94 مىڭ گەكتارعا ماقتا، 368,4 گەكتارىنا كۇنباعىس، 85 گا كارتوپ، 24 مىڭ گەكتاردان استام جەرگە باقشا ونىمدەرى، ال 2417,3 گا كوكونىس، 56 گەكتارعا ءجۇزىم مەن تاعى باسقا دا ونىمدەر ەگىلگەن. ماقتارالدىق ديقاندار ەگىلگەن 18,4 مىڭ گەكتار قاۋىننان بۇگىندە 19 مىڭ توننادان استام باقشا داقىلىن جيناپ، ونىڭ 70 پايىزىن شەتەلگە ەكسپورتتاسا، قالعان 30 پايىزىن قازاقستان نارىعىنا ساۋدالاعان.

سونداي-اق، وبلىس اكىمى ەرتە كوكتەمنەن ەگىنىن ەگىپ، مول ءونىم جيناپ قازاقستان مەن شەتەل نارىعىنا شىعارىپ جاتقان ماقتارال اۋىلدىق وكرۋگىندەگى جەكە كاسىپكەر ا.بوەۆتىڭ باۋ-باقشاسىمەن تانىستى. مۇنداعى باۋدىڭ 8 گەكتارىنا الما مەن الحورى، 1 گەكتارىنا انار، 20 گەكتار جەرىنە ءجۇزىم وتىرعىزىلعان.

بيىل «حامرو اتا» شارۋا قوجالىعى شاعىن 18 قوجالىقتى بىرىكتىرىپ، كووپەراتسيا قۇرىپ وتىر. وسىنىڭ نەگىزىندە ەڭبەك ونىمدىلىگىن ارتتىرىپ مول تابىس تابۋدى كوزدەپ وتىرعان شارۋالار مەملەكەتتەن بولىنەتىن ءارتۇرلى جەڭىلدىكتەر مەن سۋبسيدياعا جانە ليزينگ ارقىلى جاڭا تەحنيكاعا قول جەتكىزىپ وتىرعاندارىن ايتادى.

كووپەراتيۆتىڭ جالپى جەر كولەمى 339,4 گەكتار بولسا، ونىڭ 6 گەكتارىنا جىلىجاي، 274,4 گەكتار جەرىنە ماقتا، 15 گەكتارعا قاۋىن، 20 گەكتارعا جوڭىشقا، 10 گەكتار جەرگە جۇگەرى، 8 گەكتارعا جەمىس-جيدەك، 1 گەكتارعا انار، 20 گەكتارعا ءجۇزىم ەگىلگەن.

“The Qazaq Times”