Foto: Salon.Su.

AQŞ-ta 14 jasar äuesqoy programmist Dyuplessis zağip jandarğa arnalğan kir juğış maşina oylap taptı.

Jas önertapqıştı zamanaui tehnika türleriniñ mümkindigi şekteuli jandardıñ qajettilikterin eskermey jasalatındığı qınjıltqan. Dauıs arqılı basqarılatın "Talking Laundry" dep atalatın kir juğış maşinası alğaşqı sınama üşin Kentukkidegi zağip jandarğa arnalğan arnayı mektepke berildi.

Qazir ideya avtorı qoldanısta anıqtalğan kemşilikterdi tüzetip, önertabısın jan-jaqtı jetildirip jatır. Twtınuşılar qwrılğığa qosudı swrağan jaña funkciyalardıñ biri - dauıs arqılı kir juu procesiniñ ayaqtaluına qanşa uaqıt qalğanı turalı saualğa jauap aluğa mümkindik beretin mäzir.

Mümkindigi şekteuli jandarğa arnalğan tipografiyanıñ tehnologiyalıq önimder boyınşa basşısı Larri Skutçan: "Büginde jaña tehnologiyalardıñ köbi zağip jandardıñ ömirin jeñildetuge bağıttalmağan. Sondıqtan  olar äli de özge adamdardıñ kömegine mwqtaj bolıp qala beredi. Dyuplessistiñ eñbegi jalpıhalıqtıq qoldanısqa ense, janarsız qalğan köp adamnıñ twrmısı jaqsara tüser edi", - dedi.

“The Qazaq Times”