Foto: motor.kz

2020 jılğa deyin qayta jöndeuden ötetin wzındığı 6,5 mıñ şaqırım joldı aqılı etu josparlanıp otır. Bwl turalı QR Wlttıq ekonomika ministrligi salalıq ekonomika departamentiniñ direktorı Erjan Qazanbaev habarladı.

Onıñ aytuınşa, Qazaqstanda 2013 jıldan bastap wzındığı 220  şaqırım Astana-Şuçinsk bağıtındağı jalğız aqılı jol jwmıs isteydi. Odan qazirgi kezde şamamen 4 mlrd teñgedey qarajat jinalğan, al bwl qarajat sol joldıñ kütimi üşin jwmsaladı,

Sonday-aq, endi osı jılı wzındığı 469  şaqırım bolatın «Astana-Temirtau», «Almatı-Qapşağay», «Almatı-Qorğas» bağıttarı boyınşa tölem qabıldau jüyesin salu josparlanıp otır. Respublikalıq mañızı bar wzındığı 5,5 mıñ şaqırım jolda  tölem qabıldau jüyesin ornatu közdelgen. Jıl soñına qaray atalğan jüye öz betinşe jwmıs isteytin boladı jäne de keler jıldan bastap tolıq engiziledi.

Sonday-aq, aqılı joldarğa gibridti jüye engiziletin , yağni aqılı aymaqqa kiru erkin boladı, al tölem şığar kezde qolma-qol nemese basqa da tölem jüyeleri arqılı  qabıldanadı.

“The Qazaq Times”