Qızılorda oblısında QR Prem'er-Ministri Baqıtjan Sağıntaev Şalqiya qorğasın-mırış ken ornın qalpına keltiru boyınşa jwmıspen tanıstı jäne tau-ken bayıtu kombinatınıñ (TBK) qwrılısın qarjılandıru turalı kelisimge qol qoyu räsimine qatıstı dep habarlaydı QR Ükimetiniñ baspasöz qızmeti.

QR Prem'er-Ministri Baqıtjan Sağıntaev Şalqiya qorğasın-mırış ken ornın aralap, keniş qwrılısınıñ jağdayımen tanısu üşin şahtağa tüsti.

«Tau-Ken Samwrıq» AQ basqarma törağası Mäjit Twrmağanbetov köp jıldar boyı toqtap twrğan käsiporında tau-ken dayındıq jwmıstarı jürgizilgenin, infraqwrılım nısandarı men äleumettik-twrmıstıq mañızdağı nısandar salınğanın bayandadı.

Käsiporındı odan äri damıtu maqsatında «Tau-Ken Samwrıq» AQ basqarma törağası Mäjit Twrmağanbetov pen EQQDB-nıñ Qazaqstandağı direktorı Agris Preymanis Şalqiya ken ornınıñ TBK qwrılısın qarjılandıru turalı kelisimge qol qoydı. Jobanı iske asıru 1,5 mıñ twraqtı jwmıs ornın, al qwrılıs kezinde – şamamen 3 mıñ jwmıs ornın qwruğa mümkindik beredi.

Jobağa säykes, 2019 jıldan bastap TBK jıl sayın 2 mln tonnağa deyin mırış kenin öñdey aladı, al 2020 jıldıñ soñına qaray tolıq jobalıq quatına – jılına 4 mln tonnağa deyin şığadı. Kombinat jergilikti jäne şeteldik metallurgiya zauıttarına qorğasın koncentratın jetkizetin boladı.

Ozıq cifrlıq tehnologiyalardı qoldanu jäne kendi bayıtu boyınşa öndiristik procesterdi avtomattandıru şığarılatın önimniñ joğarı sapası men bäsekege qabilettiligin qamtamasız etedi. Käsiporında «cifrlıq keniş» jobası engiziledi jäne energiya tiimdi jabdıq qoldanıladı.

“The Qazaq Times”