Foto: ontustik.gov.kz

Biıl Oñtüstik Qazaqstanda 57 eldi meken kögildir otınmen qamtıladı. Nätijesinde oblıstağı gazdandırılğan eldi mekender sanı 357-ge jetedi dep kütilude. Osı  maqsatqa oblıstıq byudjetten 14,1 mlrd teñge jwmsalmaq. Bwl turalı Qızıljar gaz taratu stansasınıñ jwmısımen tanısqan Oñtüstik Qazaqstan oblısınıñ äkimi Janseyit Tüymebaev mälim etti, dep habarlaydı oblıs äkimdiginiñ baspasöz qızmeti. 

«Soñğı jıldarı oblısta 7 avtomattı gaz taratu stanciyalarınıñ qwrılısı  jürgizildi. Qwrılıstıñ jalpı qwnı - 22,2 mlrd teñge. Onıñ üşeui juırda paydalanuğa beriledi. Olar Kentau, Ordabası, Arıs audandarındağı gaz taratu beketteri.  Auıldardağı işki qwrılıs jwmıstarı ayaqtalğannan soñ iske qosıluğa dayın twrğan stanciya Ordabası, Otırar audandarın tolığımen gazben qamtamasız etu üşin isteydi. Osı beketterdi iske qossaq, oblıstağı soltüstik audandardı gazben qamtu mümkindigi aşıladı»,-dedi oblıs äkimi.

Bıltır oblısta 25 eldi mekendi gazğa qosu jwmıstarı jürgizilgen. Bwl maqsatqa 13,7 mlrdtenge bağıttalğan bol.  Biıl 70 eldi mekenge  gaz qwbırları tartılıp, qwrılıs jwmıstarı jürgizilude. Jalpı, oblısta 844  eldi mekenniñ 300-i tabiği gazben qamtamasız etilgen.

Oblıstıñ eldi mekenderin 2017-2020 jıldar aralığında gazdandırudıñ keşendi is-şara josparı äzirlendi.  Josparğa säykes 2020 jılğa qosımşa 383  eldi mekendi gazdandıru josparlanıp otır.  2021 jılğa tabiği gazben qamtılğan eldi mekender sanın 683-ke nemese 2 mln 720 mıñ  twrğınğa jetkizu josparlanuda.

 “The Qazaq Times”