بيىل وڭتۇستىك قازاقستاندا 57 ەلدى مەكەن كوگىلدىر وتىنمەن قامتىلادى. ناتيجەسىندە وبلىستاعى گازداندىرىلعان ەلدى مەكەندەر سانى 357-گە جەتەدى دەپ كۇتىلۋدە. وسى ماقساتقا وبلىستىق بيۋدجەتتەن 14,1 ملرد تەڭگە جۇمسالماق. بۇل تۋرالى قىزىلجار گاز تاراتۋ ستانساسىنىڭ جۇمىسىمەن تانىسقان وڭتۇستىك قازاقستان وبلىسىنىڭ اكىمى جانسەيىت تۇيمەباەۆ ءمالىم ەتتى، دەپ حابارلايدى وبلىس اكىمدىگىنىڭ ءباسپاسوز قىزمەتى.
«سوڭعى جىلدارى وبلىستا 7 اۆتوماتتى گاز تاراتۋ ستانتسيالارىنىڭ قۇرىلىسى جۇرگىزىلدى. قۇرىلىستىڭ جالپى قۇنى - 22,2 ملرد تەڭگە. ونىڭ ۇشەۋى جۋىردا پايدالانۋعا بەرىلەدى. ولار كەنتاۋ، ورداباسى، ارىس اۋداندارىنداعى گاز تاراتۋ بەكەتتەرى. اۋىلدارداعى ىشكى قۇرىلىس جۇمىستارى اياقتالعاننان سوڭ ىسكە قوسىلۋعا دايىن تۇرعان ستانتسيا ورداباسى، وتىرار اۋداندارىن تولىعىمەن گازبەن قامتاماسىز ەتۋ ءۇشىن ىستەيدى. وسى بەكەتتەردى ىسكە قوسساق، وبلىستاعى سولتۇستىك اۋدانداردى گازبەن قامتۋ مۇمكىندىگى اشىلادى»،-دەدى وبلىس اكىمى.
بىلتىر وبلىستا 25 ەلدى مەكەندى گازعا قوسۋ جۇمىستارى جۇرگىزىلگەن. بۇل ماقساتقا 13,7 ملردتەنگە باعىتتالعان بول. بيىل 70 ەلدى مەكەنگە گاز قۇبىرلارى تارتىلىپ، قۇرىلىس جۇمىستارى جۇرگىزىلۋدە. جالپى، وبلىستا 844 ەلدى مەكەننىڭ 300-ءى تابيعي گازبەن قامتاماسىز ەتىلگەن.
وبلىستىڭ ەلدى مەكەندەرىن 2017-2020 جىلدار ارالىعىندا گازداندىرۋدىڭ كەشەندى ءىس-شارا جوسپارى ازىرلەندى. جوسپارعا سايكەس 2020 جىلعا قوسىمشا 383 ەلدى مەكەندى گازداندىرۋ جوسپارلانىپ وتىر. 2021 جىلعا تابيعي گازبەن قامتىلعان ەلدى مەكەندەر سانىن 683-كە نەمەسە 2 ملن 720 مىڭ تۇرعىنعا جەتكىزۋ جوسپارلانۋدا.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى