Foto: Diasporanews

Qazaqstan qwnarlı jerler men Balqaş kölinen ayırılıp qaluı mümkin. Klimatologtardıñ sözinşe, aldağı birneşe onjıldıqta Qazaqstannıñ köp böligi susız aymaqqa aynaladı. Bwl turalı KTK arnası habarlap otır. 

"Klimatta qwrğaqşılıq payda boladı. Äsirese bwl egindik alqaptar men qwnarlı jerler boladı", - deydi "Qazgidromet" RMK ğılımi-zertteu ortalığınıñ direktorı Payızhan Qojahmetov. Qauip tönip twrğan aymaqtar - Qazaqstannñ soltüstik, batıs, ortalığı men Balqaş özeni.

"Eger mwzdıqtar eritin bolsa Balqaştıñ joyılıp ketu qauipi basım. Al eger bwl jağday jalğasa beretin bolsa Balqaş Araldıñ küyin keşui ğajap emes", - deydi Qojahmetov.

Al A.I. Voeykov atındağı geofizikalıq observatoriyasınıñ qızmetkeri Andrey Kisilevtiñ sözinşe, soñğı on jılda aua rayında özgerister bolıp jatır. Mısalı nöser jañbır köbeygen. Reseydegi gidromet ğılımi-zertteu ortalığı direktorınıñ orınbasarı Dmitriy Kiktev bolsa mwnday nöser jañbır Ortalıq Aziya men Qazaqstanğa asa qauip töndirmeydi dep otır.

"Ortalıq Aziyağa keler bolsaq, bwl aymaqtarda su mäselesi onsız da qiın. Biraq aldağı on jılda bwl jağday oñay boladı dep oylamaymın. Köptegen öñirler qwrğaq, sondıqtan bwl mäsele uşığa beredi", - dedi Dmitriy Kiktev.

Ayta keteyik, 2001 jıldan beri Ortalıq Aziyada jauın şaşın mölşeri 60%-ğa tömendegen, al özenderdiñ deñgeyi 3 esege azayğan. Saldarınan audandarda kedeylik deñgeyi artıp, keybir auıl şaruaları tabıstarınıñ 80%-ın joğaltqan.

 “The Qazaq Times”