Foto: Tobyl-torgai.kz

Bir täuliktiñ işinde wlttıq valyuta birden 5 teñgege qwldırağan. 

Qazaqstan qor birjasında (KASE) eseptesui T+0 teñgemen AQŞ dollarınıñ ortaşa saralanğan bağamı bir dollarğa 325,77 (+4,05 teñge) teñgeni, al sauda-sattıq kölemi – 160 800 mıñ USD (+73 000 mıñ USD) qwradı.

Teñge bağamınıñ bwl körsetkişi osı jıl bastalğalı bergi eñ tömengi nätijelerdiñ biri bolıp otır. Jıl basında 310-312 şamasında bolğan teñgeniñ kün sayın tömen tüsui nege baylanıstı boluı mümkin?

Mamandardıñ pikirinşe, jeltoqsanı ayınıñ soñına qaray jäne jıl basında teñgeniñ nığayuın mınaday faktormen tüsindiruge boladı. Ay sayın, toqsan  sayın jäne jıl soñında kompaniyalar men firmalar memlekettik salıq organına esep beredi, jwmısşılarına jalaqı töley bastaydı. Jalaqı da, salıq ta teñgemen tölenetini belgili. Al jıl soñında keybir kompaniyalar men firmalardıñ sıyaqı ülestiretini tağı bar. Mwndayda teñgege degen swranıs artadı da, dollar älsireydi. Ärine, bwl jäne Wlttıq banktiñ ädeyi teñge tapşılığın tudıratın ötpeli kezeñ.

Artınşa teñge bağamı tikeley äser etetin faktorlarğa täueldi boladı da öziniñ şınayı qalpına oraladı. Olay bolsa, «Teñgeniñ dollarğa şaqqandağı şınayı bağamın qalay esepteu  kerek?» degen swraqqa jauap beru mañızdı. Bwl swraqtıñ jauabın körşi Resey valyutası rubl'diñ dinamikasın basşılıqqa alğan dwrıs. Mwnıñ birneşe sebebi bar: Qazaqstan ekonomikasınıñ jalpı sipatı Reseyge wqsas. Eki eldiñ de byudjeti mwnay men gazdıñ bağasına täueldi. Onıñ üstine Qazaqstan öziniñ sırtqa satatın mwnayı men gazınıñ basım böligin Europa elderine Resey arqılı tasımaldaydı. YAğni, Reseydiñ sırtqa satatın şikizat bağasınıñ özgerisi Qazaqstannıñ mwnayı men gazınıñ belgili bir uaqıt aralığınada qanşağa saudalanıp jatqanın däl körsetetin indikatar. Olay bolsa, rubl'diñ özgeris dinamikası teñgege säykes keledi degen söz.

“The Qazaq Times”