Foto: Forbes

QR Wlttıq bankiniñ törağası Daniyar Aqışev öziniñ 2014 jılı Äzerbayjan halıqaralıq bankine zeynetaqı qarjısın investiciyalau kelisimine qatısı bar degen aqparatqa qatıstı jauap berdi. Ol bwl turalı bügin jurnalistermen bolğan kezdesu kezinde ayttı. 

Ayta keteyik, keşe Wlttıq banktiñ bwrınğı törağası Qayrat Kelimbetov sayasattanuşı Dosım Sätpaev pen «Qarjılıq erkindik» qamqorşılıq keñesiniñ basşısı Botagöz Jwmanovanıñ Äzerbayjan halıqaralıq bankindegi zeynetaqı qarjısına qatıstı qoyğan swraqtarına jauap beru kezinde zeynetaqı qorınıñ investiciyalıq deklaraciyası basşılıq tarapınan maqwldanğanın jäne oğan Wlttıq banktiñ qazirgi basşısı Daniyar Aqışevtıñ dauıs bergenin aytqan.

Al Daniyar Aqışev bolsa Kelimbetovatıñ mwnay pikirine jauap bere otırıp, öziniñ 2014 jıldıñ 28 tamızında Prezident äkimşiligi  äleumettik-ekonomikalıq monitoring böliminiñ basşısı bolıp tağayındalğanın atap ötti. 2014 jılı kelisimge qatıspağan.

"Soñğı ret bolğan baspasöz konferenciyasınıñ birinde Äzerbayjannıñ halıqaralıq bankine investiciyalanğan qarjığa qatıstı swraq qoyılğan. Al Men  şeşimdi sol kezde Wlttıq bankte jwmıs itegen adamdar qabıldağanın ayttım. Naqtı bir adamdardıñ atın atağan joqpın. Biraq Kelimbetov mırza meni "bwl kelisimge qatısı"bar dedi. Al men mına närseni aytayın: 2014 jıldıñ 28 tamızında Prezident N.Nazarbaevtıñ şeşimimen Prezident äkimşiligi  äleumettik-ekonomikalıq monitoring böliminiñ basşısı bolıp tağayındaldım. YAğni, 2014 jıldıñ qazanında meniñ bwl kelisimge qatısuım mümkin emes. Öytkeni ol kezde men QR Wlttıq bankte jwmıs istemegenmin», — dedi Daniyar Aqışev.

Eske salayıq, bir ay bwrın Wlttıq bank törağası Daniyar Aqışev Äzerbayjan halıqaralıq bankine investiciyalanğan 71,3 mld teñgege qatıstı jağdaydı tüsindiru kezinde "bwl qarjını problemalı bankke Wlttıq banktiñ bwrınğı qızmetkerleri investiciyalağan" degen edi.

Ayta keteyik, osığan deyin BJZQ-nıñ 71,3 mlrd teñgesi nemese 200 mln dollar Äzerbayjan halıqaralıq bankiniñ obligaciyaları üşin salınğanın aytqan bolatınbız. Bloomberg agenttiginiñ mälimetinşe, Äzerbayjannıñ halıqaralıq banki eldegi valyutalıq dağdarıs pen valyutanıñ jetispeuşiligine baylanıstı sırtqı qarızdarın töleudi toqtatqan jäne kredit beruşilermen kelissöz jürgizudi bastaydı.

“The Qazaq Times”