قر ۇلتتىق بانكىنىڭ توراعاسى دانيار اقىشەۆ ءوزىنىڭ 2014 جىلى ازەربايجان حالىقارالىق بانكىنە زەينەتاقى قارجىسىن ينۆەستيتسيالاۋ كەلىسىمىنە قاتىسى بار دەگەن اقپاراتقا قاتىستى جاۋاپ بەردى. ول بۇل تۋرالى بۇگىن جۋرناليستەرمەن بولعان كەزدەسۋ كەزىندە ايتتى.
ايتا كەتەيىك، كەشە ۇلتتىق بانكتىڭ بۇرىنعى توراعاسى قايرات كەلىمبەتوۆ ساياساتتانۋشى دوسىم ساتپاەۆ پەن «قارجىلىق ەركىندىك» قامقورشىلىق كەڭەسىنىڭ باسشىسى بوتاگوز جۇمانوۆانىڭ ازەربايجان حالىقارالىق بانكىندەگى زەينەتاقى قارجىسىنا قاتىستى قويعان سۇراقتارىنا جاۋاپ بەرۋ كەزىندە زەينەتاقى قورىنىڭ ينۆەستيتسيالىق دەكلاراتسياسى باسشىلىق تاراپىنان ماقۇلدانعانىن جانە وعان ۇلتتىق بانكتىڭ قازىرگى باسشىسى دانيار اقىشەۆتىڭ داۋىس بەرگەنىن ايتقان.
ال دانيار اقىشەۆ بولسا كەلىمبەتوۆاتىڭ مۇناي پىكىرىنە جاۋاپ بەرە وتىرىپ، ءوزىنىڭ 2014 جىلدىڭ 28 تامىزىندا پرەزيدەنت اكىمشىلىگى الەۋمەتتىك-ەكونوميكالىق مونيتورينگ ءبولىمىنىڭ باسشىسى بولىپ تاعايىندالعانىن اتاپ ءوتتى. 2014 جىلى كەلىسىمگە قاتىسپاعان.
"سوڭعى رەت بولعان ءباسپاسوز كونفەرەنتسياسىنىڭ بىرىندە ازەربايجاننىڭ حالىقارالىق بانكىنە ينۆەستيتسيالانعان قارجىعا قاتىستى سۇراق قويىلعان. ال مەن شەشىمدى سول كەزدە ۇلتتىق بانكتە جۇمىس ىتەگەن ادامدار قابىلداعانىن ايتتىم. ناقتى ءبىر ادامداردىڭ اتىن اتاعان جوقپىن. بىراق كەلىمبەتوۆ مىرزا مەنى "بۇل كەلىسىمگە قاتىسى"بار دەدى. ال مەن مىنا نارسەنى ايتايىن: 2014 جىلدىڭ 28 تامىزىندا پرەزيدەنت ن.نازارباەۆتىڭ شەشىمىمەن پرەزيدەنت اكىمشىلىگى الەۋمەتتىك-ەكونوميكالىق مونيتورينگ ءبولىمىنىڭ باسشىسى بولىپ تاعايىندالدىم. ياعني، 2014 جىلدىڭ قازانىندا مەنىڭ بۇل كەلىسىمگە قاتىسۋىم مۇمكىن ەمەس. ويتكەنى ول كەزدە مەن قر ۇلتتىق بانكتە جۇمىس ىستەمەگەنمىن»، — دەدى دانيار اقىشەۆ.
ەسكە سالايىق، ءبىر اي بۇرىن ۇلتتىق بانك توراعاسى دانيار اقىشەۆ ازەربايجان حالىقارالىق بانكىنە ينۆەستيتسيالانعان 71,3 ملد تەڭگەگە قاتىستى جاعدايدى ءتۇسىندىرۋ كەزىندە "بۇل قارجىنى پروبلەمالى بانككە ۇلتتىق بانكتىڭ بۇرىنعى قىزمەتكەرلەرى ينۆەستيتسيالاعان" دەگەن ەدى.
ايتا كەتەيىك، وسىعان دەيىن بجزق-نىڭ 71,3 ملرد تەڭگەسى نەمەسە 200 ملن دوللار ازەربايجان حالىقارالىق بانكىنىڭ وبليگاتسيالارى ءۇشىن سالىنعانىن ايتقان بولاتىنبىز. Bloomberg اگەنتتىگىنىڭ مالىمەتىنشە، ازەربايجاننىڭ حالىقارالىق بانكى ەلدەگى ۆاليۋتالىق داعدارىس پەن ۆاليۋتانىڭ جەتىسپەۋشىلىگىنە بايلانىستى سىرتقى قارىزدارىن تولەۋدى توقتاتقان جانە كرەديت بەرۋشىلەرمەن كەلىسسوز جۇرگىزۋدى باستايدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى