Foto: Atameken Business Channel

H Astana ekonomikalıq forumı jwmısınıñ birinşi küni «Bäyterek» wlttıq basqaruşı holdingi» AQ Basqarma törağası Erbolat Dosaev Düniejüzilik bank, Halıqaralıq qarjı korporaciyasınıñ, «Thomson Reuters», «Boston Consulting Group», «Verno Capital» kompaniyalarınıñ basşılarımen kezdesti.

Kezdesu barısında Erbolat Dosaev Düniejüzilik banktiñ Europa jäne Ortalıq Aziya boyınşa vice-prezidenti Siril Myullerdi Qazaqstanğa tikeley investiciyalar tartu procesindegi Holdingtiñ röli turalı aqparattandırıp, Düniejüzilik bank tobımen äriptestiktiñ basım bağıttarı jöninde pikir almastı.

Kezdesu qorıtındısı boyınşa taraptar äriptestik ornatuğa mümkindik beretin bağıttar boyınşa aqparat almasatın bolıp kelisti.
Anıqtama üşin: Qazirgi uaqıtta Düniejüzilik banktıñ ıqpal etuimen Qazaqstan Respublikasında jalpı soması 4,6 mlrd. AQŞ dolları bolatın 8 investiciyalıq joba iske asırıluda.

Astana ekonomikalıq forumınıñ alañında Erbolat Dosaev «Verno Capital» basqaruşı kompaniyasınıñ ağa seriktesi, investiciyalıq strategiyalar boyınşa basqaruşısı Roland Neşpen kezdesu ötkizdi. Taraptar infraqwrılım, tağam önerkäsibi jäne qarjı tartuğa müddeli ekonomikanıñ basqa da basım bağıttarı boyınşa birikken investiciyalıq jobalardıñ josparın qwru mäselelerin talqıladı.

Halıqaralıq qarjı korporaciyasınıñ basşılığımen ötken kezdesude taraptar memlekettik-jekemenşik seriktestik, şağın jäne orta biznes bastamaların qoldau boyınşa äriptestik ayasın keñeytu mäselesin qarastırdı. Odan bölek, taraptar Halıqaralıq qarjı korporaciyası arqılı «Nwrlı jol» bağdarlaması ayasında energotiimdi twrğın üy qwrılısın qarjılandıru mümkindigin talqıladı.

Sonımen qatar, «Bäyterek» wlttıq basqaruşı holdingi» AQ Basqarma törağası Erbolat Dosaev «The Boston Consulting Group» Direktorlar keñesiniñ törağası Hans-Pol Bryuknermen jäne «Thomson Reuters» TMD elderi boyınşa basqaruşı direktorı Petr Marçevskiymen kezdesti. Kezdesu barısında «Bäyterek» holdingi basşısı qonaqtardı Holding pen onıñ enşiles wyımdarı qızmetteriniñ negizgi bağıttarımen tanıstırdı.

“The Qazaq Times”