فوتو: Atameken Business Channel

ح استانا ەكونوميكالىق فورۋمى جۇمىسىنىڭ ءبىرىنشى كۇنى «بايتەرەك» ۇلتتىق باسقارۋشى حولدينگى» اق باسقارما توراعاسى ەربولات دوساەۆ دۇنيەجۇزىلىك بانك، حالىقارالىق قارجى كورپوراتسياسىنىڭ، «Thomson Reuters»، «Boston Consulting Group»، «Verno Capital» كومپانيالارىنىڭ باسشىلارىمەن كەزدەستى.

كەزدەسۋ بارىسىندا ەربولات دوساەۆ دۇنيەجۇزىلىك بانكتىڭ ەۋروپا جانە ورتالىق ازيا بويىنشا ۆيتسە-پرەزيدەنتى سيريل ميۋللەردى قازاقستانعا تىكەلەي ينۆەستيتسيالار تارتۋ پروتسەسىندەگى حولدينگتىڭ ءرولى تۋرالى اقپاراتتاندىرىپ، دۇنيەجۇزىلىك بانك توبىمەن ارىپتەستىكتىڭ باسىم باعىتتارى جونىندە پىكىر الماستى.

كەزدەسۋ قورىتىندىسى بويىنشا تاراپتار ارىپتەستىك ورناتۋعا مۇمكىندىك بەرەتىن باعىتتار بويىنشا اقپارات الماساتىن بولىپ كەلىستى.
انىقتاما ءۇشىن: قازىرگى ۋاقىتتا دۇنيەجۇزىلىك بانكتىڭ ىقپال ەتۋىمەن قازاقستان رەسپۋبليكاسىندا جالپى سوماسى 4,6 ملرد. اقش دوللارى بولاتىن 8 ينۆەستيتسيالىق جوبا ىسكە اسىرىلۋدا.

استانا ەكونوميكالىق فورۋمىنىڭ الاڭىندا ەربولات دوساەۆ «Verno Capital» باسقارۋشى كومپانياسىنىڭ اعا سەرىكتەسى، ينۆەستيتسيالىق ستراتەگيالار بويىنشا باسقارۋشىسى رولاند نەشپەن كەزدەسۋ وتكىزدى. تاراپتار ينفراقۇرىلىم، تاعام ونەركاسىبى جانە قارجى تارتۋعا مۇددەلى ەكونوميكانىڭ باسقا دا باسىم باعىتتارى بويىنشا بىرىككەن ينۆەستيتسيالىق جوبالاردىڭ جوسپارىن قۇرۋ ماسەلەلەرىن تالقىلادى.

حالىقارالىق قارجى كورپوراتسياسىنىڭ باسشىلىعىمەن وتكەن كەزدەسۋدە تاراپتار مەملەكەتتىك-جەكەمەنشىك سەرىكتەستىك، شاعىن جانە ورتا بيزنەس باستامالارىن قولداۋ بويىنشا ارىپتەستىك اياسىن كەڭەيتۋ ماسەلەسىن قاراستىردى. ودان بولەك، تاراپتار حالىقارالىق قارجى كورپوراتسياسى ارقىلى «نۇرلى جول» باعدارلاماسى اياسىندا ەنەرگوتيىمدى تۇرعىن ءۇي قۇرىلىسىن قارجىلاندىرۋ مۇمكىندىگىن تالقىلادى.

سونىمەن قاتار، «بايتەرەك» ۇلتتىق باسقارۋشى حولدينگى» اق باسقارما توراعاسى ەربولات دوساەۆ «The Boston Consulting Group» ديرەكتورلار كەڭەسىنىڭ توراعاسى حانس-پول بريۋكنەرمەن جانە «Thomson Reuters» تمد ەلدەرى بويىنشا باسقارۋشى ديرەكتورى پەتر مارچەۆسكيمەن كەزدەستى. كەزدەسۋ بارىسىندا «بايتەرەك» حولدينگى باسشىسى قوناقتاردى حولدينگ پەن ونىڭ ەنشىلەس ۇيىمدارى قىزمەتتەرىنىڭ نەگىزگى باعىتتارىمەن تانىستىردى.

“The Qazaq Times”