Foto: Vox Populi

Astanalıq käsipkerler EKSPO-nıñ ötui qarsañında 56 hostel aşqan. Qazir olardıñ sanı 92-ge jetipti. Barlığı 4 mıñ qonaqtı qabılday aladı. Al osı hostelderdiñ arasında arzanı bar ma? Astana äkimdiginiñ media ortalığı qalanıñ sol jaq jağalauında, EKSPO-qalaşıqqa jaqın jerde twraqtau üşin qaltañızdıñ qalıñ boluı mindetti emes ekeninin anıqtap köripti.

Elordanıñ köptegen hostelderi 5 adamnan 20 adamğa deyin twra alatın nomerler wsınadı. Olardıñ qwnı täuligine 3 mıñnan 5 mıñ teñge aralığında. Eki orındı nomer wsınatın hostelder de bar, alayda olardıñ bağası täuligine 7 mıñnan 10 mıñ teñgege deyin.

Şağın qonaq üyler twraqtauşılarğa jaman qızmet wsınbaydı. «Triumf Astana» twrğın üy keşenindegi «Turist» hostelinde bir orınnıñ bağası täuligine 3,5 mıñ teñge.

-Bizdiñ hostelde tösek jabdıqtarı, ıdıs-ayaq beriledi. Bwl jerde keluşiler jaylılığı üşin duş, kir juu maşinası, televizor, komp'yuter barlıq qajetti zattar qarastırılğan. Sonımen qatar bwl jerde orındı aldın ala bronday alasız.Tölegeni jöninde tübirtek beriledi, bwl issparmen kelgender üşin öte mañızdı, - deydi «Turist» hosteliniñ äkimşisi Sabır Körkembaev.

Hosteldiñ erekşeligi bir qabattağı bölmeler er azamattar üşin, kelesi qabatta äyelderge arnaladı. Keşenniñ hostel ornalasqan birinşi qabatında basseyn, fitnes-zal, ashana, düken bar. Keybir twraqtauşılar bwl jerde biraz uaqıt twradı. Ay sayınğı tölem 40 mıñ teñgeni qwraydı. Är qabatta qwndı qwjattar men zattardı saqtauğa arnalğan seyfter bar.

Sol jaq jağalaudağı jaña hostelderdiñ tağı bir artıqşılığı – Elordanıñ körikti jerlerine jaqın ornalasuı. EKSPO körmesi men äuejayğa tez jetuge de mümkindik mol.

40 keluşige layıqtalğan nağız jaylı üyge «The roomshostel» arqılı qol jetkizuge boladı. Jalpığa arnalğan qonaqjay ornında teledidar köruge nemese noutbukpen jwmıs isteuge boladı.

-Biz mwnda Elorda qonaqüylerinen arzan bağada qolaylı jağday jasaymız. Twraqtaytın qonaqtar üşin elektr qwrılğıları bar aşıq ashana, kir juatın maşina, Wi-Fi qarastırılğan. Mwnıñ bäri qonaqüylerden edäuir tömen bağada wsınıladı. Täuligine 4 mıñ teñge. Sonday-aq, tañerteñgi, tüski, keşki astardı da jeke tölem boyınşa äzirlep beremiz, - deydi hostel iesi Güljan Kenjeğalieva.

Media ortalıqtıñ mälimetinşe, «AstanaKonvenşn Byuro» JŞS-nde qaladağı barlıq hostelder turalı aqparat bar: ornalasqan jeri, orınnıñ bağası, körsetiletin qızmetter jäne t.b. Qajet bolğan jağdayda«Konvenşn Byuro» mamandarı twratın jerdi tauıp bere aladı. TuristerAstanaäkimdiginiñ brondau bölimine 8-775-116-71-74, 8-777-772-05-06 jäne 8(7172) 27-78-15, 8(7172) 27-78-21 jäne qalalıq nömirleri boyınşa, sonday-aq, sall-ortalıqtıñ 8-800-080-38-38 nömirine habarlasıp mälimet ala aladı.

“The Qazaq Times”