استانالىق كاسىپكەرلەر ەكسپو-نىڭ ءوتۋى قارساڭىندا 56 حوستەل اشقان. قازىر ولاردىڭ سانى 92-گە جەتىپتى. بارلىعى 4 مىڭ قوناقتى قابىلداي الادى. ال وسى حوستەلدەردىڭ اراسىندا ارزانى بار ما؟ استانا اكىمدىگىنىڭ مەديا ورتالىعى قالانىڭ سول جاق جاعالاۋىندا، ەكسپو-قالاشىققا جاقىن جەردە تۇراقتاۋ ءۇشىن قالتاڭىزدىڭ قالىڭ بولۋى مىندەتتى ەمەس ەكەنىنىن انىقتاپ كورىپتى.
ەلوردانىڭ كوپتەگەن حوستەلدەرى 5 ادامنان 20 ادامعا دەيىن تۇرا الاتىن نومەرلەر ۇسىنادى. ولاردىڭ قۇنى تاۋلىگىنە 3 مىڭنان 5 مىڭ تەڭگە ارالىعىندا. ەكى ورىندى نومەر ۇسىناتىن حوستەلدەر دە بار، الايدا ولاردىڭ باعاسى تاۋلىگىنە 7 مىڭنان 10 مىڭ تەڭگەگە دەيىن.
شاعىن قوناق ۇيلەر تۇراقتاۋشىلارعا جامان قىزمەت ۇسىنبايدى. «تريۋمف استانا» تۇرعىن ءۇي كەشەنىندەگى «تۋريست» حوستەلىندە ءبىر ورىننىڭ باعاسى تاۋلىگىنە 3,5 مىڭ تەڭگە.
-ءبىزدىڭ حوستەلدە توسەك جابدىقتارى، ىدىس-اياق بەرىلەدى. بۇل جەردە كەلۋشىلەر جايلىلىعى ءۇشىن دۋش، كىر جۋ ماشيناسى، تەلەۆيزور، كومپيۋتەر بارلىق قاجەتتى زاتتار قاراستىرىلعان. سونىمەن قاتار بۇل جەردە ورىندى الدىن الا برونداي الاسىز.تولەگەنى جونىندە تۇبىرتەك بەرىلەدى، بۇل ىسسپارمەن كەلگەندەر ءۇشىن وتە ماڭىزدى، - دەيدى «تۋريست» حوستەلىنىڭ اكىمشىسى سابىر كوركەمباەۆ.
حوستەلدىڭ ەرەكشەلىگى ءبىر قاباتتاعى بولمەلەر ەر ازاماتتار ءۇشىن، كەلەسى قاباتتا ايەلدەرگە ارنالادى. كەشەننىڭ حوستەل ورنالاسقان ءبىرىنشى قاباتىندا باسسەين، فيتنەس-زال، اسحانا، دۇكەن بار. كەيبىر تۇراقتاۋشىلار بۇل جەردە ءبىراز ۋاقىت تۇرادى. اي سايىنعى تولەم 40 مىڭ تەڭگەنى قۇرايدى. ءار قاباتتا قۇندى قۇجاتتار مەن زاتتاردى ساقتاۋعا ارنالعان سەيفتەر بار.
سول جاق جاعالاۋداعى جاڭا حوستەلدەردىڭ تاعى ءبىر ارتىقشىلىعى – ەلوردانىڭ كورىكتى جەرلەرىنە جاقىن ورنالاسۋى. ەكسپو كورمەسى مەن اۋەجايعا تەز جەتۋگە دە مۇمكىندىك مول.
40 كەلۋشىگە لايىقتالعان ناعىز جايلى ۇيگە «تhە roomshostel» ارقىلى قول جەتكىزۋگە بولادى. جالپىعا ارنالعان قوناقجاي ورنىندا تەلەديدار كورۋگە نەمەسە نوۋتبۋكپەن جۇمىس ىستەۋگە بولادى.
-ءبىز مۇندا ەلوردا قوناقۇيلەرىنەن ارزان باعادا قولايلى جاعداي جاسايمىز. تۇراقتايتىن قوناقتار ءۇشىن ەلەكتر قۇرىلعىلارى بار اشىق اسحانا، كىر جۋاتىن ماشينا، Wi-Fi قاراستىرىلعان. مۇنىڭ ءبارى قوناقۇيلەردەن ەداۋىر تومەن باعادا ۇسىنىلادى. تاۋلىگىنە 4 مىڭ تەڭگە. سونداي-اق، تاڭەرتەڭگى، تۇسكى، كەشكى استاردى دا جەكە تولەم بويىنشا ازىرلەپ بەرەمىز، - دەيدى حوستەل يەسى گۇلجان كەنجەعاليەۆا.
مەديا ورتالىقتىڭ مالىمەتىنشە، «استاناكونۆەنشن بيۋرو» جشس-ندە قالاداعى بارلىق حوستەلدەر تۋرالى اقپارات بار: ورنالاسقان جەرى، ورىننىڭ باعاسى، كورسەتىلەتىن قىزمەتتەر جانە ت.ب. قاجەت بولعان جاعدايدا«كونۆەنشن بيۋرو» ماماندارى تۇراتىن جەردى تاۋىپ بەرە الادى. تۋريستەراستانااكىمدىگىنىڭ برونداۋ بولىمىنە 8-775-116-71-74, 8-777-772-05-06 جانە 8(7172) 27-78-15, 8(7172) 27-78-21 جانە قالالىق نومىرلەرى بويىنشا، سونداي-اق، سall-ورتالىقتىڭ 8-800-080-38-38 نومىرىنە حابارلاسىپ مالىمەت الا الادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى