Foto: Kazinform

"Qazkommercbank" AQ direktorlar keñesiniñ törağası Keñes Raqışev banktiñ 86.09% jay akciyaların satıp alu-satu turalı "Halıq bank" AQ-nıñ mämilesine qol qoydı. Bwl turalı Halıq banktiñ baspasöz qızmeti habarladı. Akciyalardı satıp alu qwnı 1 qazaqstandıq teñge mölşerin qwraydı. "Samwrıq-Qazına" Wlttıq Äl-auqat Qorı"  AQ-nıñ  Qazkommercbanktiñ 10.72% jay  akciyasın satıp alu bağası da 1 qazaqstandıq teñge.

Raqışev mırza jäne Samwrıq-Qazınanıñ mämilege otıruı 2017 jılğı 2 mausımda  Qazaqstan Respublikasınıñ Ükimeti (Qazaqstan Respublikasınıñ Qarjı Ministrligi atınan), Qazaqstan Respublikası Wlttıq Banki, "Samwrıq-Qazına" Problemalıq Kreditter Qorı AQ, BTA Bank AQ ("BTA Bank" ), Qazkommercbank, Raqışev mırza jäne Halıq Bankpen Negizdemelik Kelisimge qol qoyuı ayasında bolğanı bwrın habarlandı.

Mämileniñ ayaqtaluı birqatar şarttardıñ aldın ala orındaluın közdeydi:

  • Problemalıq Kreditter Qorı BTA Banktiñ birqatar aktivter men qarızdarın satıp aluı;
  • BTA Bank Qazkommercbank aldındağı 2.4 trillion teñge bereşegin öteui;
  • Qazirgi tañda Qazaq Financial Group, Subhanberdin mırza jäne Ortalıq-Aziya Investiciyalıq Kompaniyası ielik etetin akciyalardı (sonıñ işinde, jay akciyalarğa qatıstı şığarılğan jahandıq depozitarlıq qolhattar ülgisinde) Raqışev mırza satıp aluı
  • Qazaqstandağı tiisti retteuşi organdar jäne belgili bir basqa da qwziretti orındardan standarttı retteuşi maqwldamasın aluı

Qazirgi uaqıtta mämileniñ ayaqtaluı 2017 jıldıñ üşinşi toqsanında dep kütilude, biraq, qanday jağday bolmasın 2017 jılğı 31 jeltoqsanğa deyin ayaqtaluı mümkin.

Mämile ayasında jäne aldın ala talaptar orındalğannan keyin satıp alınatın jay akciyalar paketine tölengen satıp alu qwnına qosımşa Halıq bank Kazkommercbankti 185 mlrd teñgege qosımşa kapitaldandıratını kütilude. Halıq bank Kazkommercbankti qosımşa kapitaldandıruı öz qarajatı esebinen boluı mümkin.

Mämile öz märesine jetkennen keyin, Halıq tobı auqımdı bölimşe jelisimen, bankomattar jäne POS-terminaldarmen, banktik, saqtandıru jäne brokerlik, sonday-aq aktivterdi basqaru segmentinde qızmetter jäne önimder jelisin tolıq wsınatın, barlıq klienttik segmentterde negizgi orın alatın qazaqstandıq qarjı sektorında köşbasşı qarjılıq tobı bola aladı.

“The QazaqTimes”