"قازكوممەرتسبانك" اق ديرەكتورلار كەڭەسىنىڭ توراعاسى كەڭەس راقىشەۆ بانكتىڭ 86.09% جاي اكتسيالارىن ساتىپ الۋ-ساتۋ تۋرالى "حالىق بانك" اق-نىڭ مامىلەسىنە قول قويدى. بۇل تۋرالى حالىق بانكتىڭ ءباسپاسوز قىزمەتى حابارلادى. اكتسيالاردى ساتىپ الۋ قۇنى 1 قازاقستاندىق تەڭگە مولشەرىن قۇرايدى. "سامۇرىق-قازىنا" ۇلتتىق ءال-اۋقات قورى" اق-نىڭ قازكوممەرتسبانكتىڭ 10.72% جاي اكتسياسىن ساتىپ الۋ باعاسى دا 1 قازاقستاندىق تەڭگە.
راقىشەۆ مىرزا جانە سامۇرىق-قازىنانىڭ مامىلەگە وتىرۋى 2017 جىلعى 2 ماۋسىمدا قازاقستان رەسپۋبليكاسىنىڭ ۇكىمەتى (قازاقستان رەسپۋبليكاسىنىڭ قارجى مينيسترلىگى اتىنان), قازاقستان رەسپۋبليكاسى ۇلتتىق بانكى، "سامۇرىق-قازىنا" پروبلەمالىق كرەديتتەر قورى اق، بتا بانك اق ("بتا بانك" ), قازكوممەرتسبانك، راقىشەۆ مىرزا جانە حالىق بانكپەن نەگىزدەمەلىك كەلىسىمگە قول قويۋى اياسىندا بولعانى بۇرىن حابارلاندى.
مامىلەنىڭ اياقتالۋى بىرقاتار شارتتاردىڭ الدىن الا ورىندالۋىن كوزدەيدى:
- پروبلەمالىق كرەديتتەر قورى بتا بانكتىڭ بىرقاتار اكتيۆتەر مەن قارىزدارىن ساتىپ الۋى;
- بتا بانك قازكوممەرتسبانك الدىنداعى 2.4 تريلليون تەڭگە بەرەشەگىن وتەۋى;
- قازىرگى تاڭدا Qazaq Financial Group, سۋبحانبەردين مىرزا جانە ورتالىق-ازيا ينۆەستيتسيالىق كومپانياسى يەلىك ەتەتىن اكتسيالاردى (سونىڭ ىشىندە، جاي اكتسيالارعا قاتىستى شىعارىلعان جاھاندىق دەپوزيتارلىق قولحاتتار ۇلگىسىندە) راقىشەۆ مىرزا ساتىپ الۋى
- قازاقستانداعى ءتيىستى رەتتەۋشى ورگاندار جانە بەلگىلى ءبىر باسقا دا قۇزىرەتتى ورىنداردان ستاندارتتى رەتتەۋشى ماقۇلداماسىن الۋى
قازىرگى ۋاقىتتا مامىلەنىڭ اياقتالۋى 2017 جىلدىڭ ءۇشىنشى توقسانىندا دەپ كۇتىلۋدە، بىراق، قانداي جاعداي بولماسىن 2017 جىلعى 31 جەلتوقسانعا دەيىن اياقتالۋى مۇمكىن.
مامىلە اياسىندا جانە الدىن الا تالاپتار ورىندالعاننان كەيىن ساتىپ الىناتىن جاي اكتسيالار پاكەتىنە تولەنگەن ساتىپ الۋ قۇنىنا قوسىمشا حالىق بانك كازكوممەرتسبانكتى 185 ملرد تەڭگەگە قوسىمشا كاپيتالداندىراتىنى كۇتىلۋدە. حالىق بانك كازكوممەرتسبانكتى قوسىمشا كاپيتالداندىرۋى ءوز قاراجاتى ەسەبىنەن بولۋى مۇمكىن.
مامىلە ءوز مارەسىنە جەتكەننەن كەيىن، حالىق توبى اۋقىمدى بولىمشە جەلىسىمەن، بانكوماتتار جانە POS-تەرمينالدارمەن، بانكتىك، ساقتاندىرۋ جانە بروكەرلىك، سونداي-اق اكتيۆتەردى باسقارۋ سەگمەنتىندە قىزمەتتەر جانە ونىمدەر جەلىسىن تولىق ۇسىناتىن، بارلىق كليەنتتىك سەگمەنتتەردە نەگىزگى ورىن الاتىن قازاقستاندىق قارجى سەكتورىندا كوشباسشى قارجىلىق توبى بولا الادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى