"AQŞ – № Terrorist". Foto: Şinhua agenttigi.

Iran Qarulı küşteriniñ orınbasar ştab bastığı Mwstafa Izadi  11 mausım küni habarlama jariyalap, AQŞ-tıñ «Islam memleketi» terrorlıq wyımın tikeley qoldap otırğanın rastaytın qwjattar men däleldemelerge qol jetkizdi dedi. Bwl turalı «Parsı.Aqparat» agenttigine silteme jasay otırıp, qıtaylıq «Şinhua» agenttiginiñ resmi saytı – Xinhua.net habarlap otır.

Mwstafa Izadidıñ mälimdemesinde: «Biz aymaqtağı bir türli «Ökildik soğıs» küşterine tap bolıp otırmız.  Bwl Irannıñ jaña jasırın küşterge qarsı küres jürgizuge eriksiz mäjbür etedi», – dedi. Ol jäne sözine eldiñ ruhani kösemi Ayatolla Homenidiñ sözine silteme bere otırıp, Iran jağınıñ «Islam memleketi» lañkestik wyımın tikeley qoldauşı AQŞ ükimeti ekenin däleldeytin qwjattarğa qol jetkizgenin aytıp ötti. Ol jäne: «Ökinerligi – zalım qoldauşı men swrqiya top köptegen islam elderin işinen iritip, küyretip bitirdi. AQŞ bolsa "Islam memleketi" wyımınıñ artına jasırınğan nağız terrorist el», – degen pikirin bildirdi.

Alayda, «Russia Today» telearnasınıñ 11 mausım keşte taratqan habarında,  Irannıñ bwl däleldemeler men qwjattardı aşıp körsetpegenin aytıp ötti.

9 mausım küni Iran ükimetiniñ resmi mälimdemeşisi Ali Larijani de osığan wqsas eskertu jasağan bolatın. Ol sözinde: «AQŞ ükimeti qorqınıştı lañkestik wyımdardı qoldauşı eñ qauipti el», – dep kesetti. Dese de, Ayatolla Homeni «AQŞ swrqiyalığı irandıqtardıñ birligi men senimin bwza almaydı. Irandıqtar swrqiya jaularmen birlikte küresetin boladı», – degen bolatın.

“The Qazaq Times”