Senimdilik medeu beredi, al biznestegi senimniñ mañızı zor Bwl turalı «Atameken» WKP Töralqa Törağası Timur Qwlıbaev WKP İsker äyelderi keñesiniñ Astanada ötken Kongresinde ayttı.

«Qız-kelinşekterdiñ qızmetker retinde, biznes jetekşisi retinde er azamattardan erekşeligi bar. Mäselen, derekter alu, esepter, buhgalterlik nemese qarjılıq esepteuler qajet bolsa, onıñ bäri eñbekqor äyelder qolımen jasaladı. Äyelder şın mäninde jwmısqa bar bilimin salıp, käsibi twrğıda kirisedi, jwmıstı berilip isteydi. Ayta keteyin, senimdilik medeu beredi, biznestegi senimdilik – bastı qağidalardıñ biri. Elimiz Şığıs halqı boluına qaramastan  şağın jäne orta biznestiñ 42%-ın äyelder basqaradı. Bwl rette bilim men täjiribe almasu mañızdı...», – dedi Timur Qwlıbaev.

Ol äyelder käsipkerligi Wlttıq palatanıñ jiti nazarında boluı kerek ekenin atap ötti.

«İsker äyelder keñesiniñ küşi – birlikte. Büginde är öñirde İsker äyelder keñesiniñ ökildigi bar. Bwl bükil respublika käsipkerlerimen keri baylanıstıñ barın ayqındaydı. Bükil biznes üşin, onıñ işinde äyelder käsipkerligi üşin qarjı qoljetimdiligi mañızdı. Bwl mäseleni mikro nesieleu  wyımdarı arqılı şeşuge tırısudamız», – dedi Timur Qwlıbaev.

Ayta keteyik, 2016 jılı «Atameken» WKP 6 öñirde, yağni Almatı, Aqtöbe, Qızılorda, Mañğıstau, Jambıl, Qostanay oblıstarında şağın nesie berudiñ pilottıq jobasın iske qostı. Şağın qarjı ortalığı kepildikke jıljitın/jıljımaytın mülik, jer uçaskesin, avtokölik, auıl şaruaşılığı tehnikası men jadbığın aldı.

Nesie beru turalı şeşimdi biznes qoğamdastıq ökilderinen twratın Öñirlik keñes qabıldaydı. Bwl pilottıq joba büginde Nätijeli jwmıspen qamtu jäne jappay käsipkerlikti damıtu memlekettik bağdarlamasınıñ negizine alındı. Bağdarlama ayasında 7 jılğa 6% mölşerlememen 18 mln teñgege deyin somada nesie berilu qolğa alındı.

«Atameken» Wlttıq käsipkerler palatası mwnımen qosa «Bastau Biznes» jobasın iske qostı. Biıl joba ayasında 15 mıñ jwmıssız jäne özin-özi jwmıspen qamtığan auıl twrğındarı käsipkerlik negizderine oqıtıladı. Ol üşin 80 audanğa 1 mlrd 200 mıñ teñge qarajat bölingen.

"The Qazaq Times"