Donal'd Tramp. Foto: The Wall Street Journal.

AQŞ aqparat qwraldarınıñ habarına qarağanda, AQŞ-tıñ Kolumbiya jäne Merilend ştattarınıñ bas prokurorları düysenbi küni habarlama jariyalap, prezident Donal'd Tramp üstinen şağımdanğanın ayttı. Olar AQŞ prezidenti jemqorlıqqa qarsı Konstituciya erejelerin bwzdı dep ayıptap otır. Bwl turalı “The Wall Street Journal” basılımı habarlap otır.

Atalğan ştattardıñ prokurorları Konstituciyanıñ «Sıy aqı turalı babı» Tramp jağınan qayşılıqqa wşıradı dep ayıptadı. Atalğan bapta «AQŞ şeneunikteri şeteldik ükimettiñ bergen tartu-taralğıların qabıldamaydı» dep belgilengen.

Merilend ştatınıñ prokurorı, Demokrattar partiyasınıñ müşesi Brayn Forş men Kolumbiya erekşe okruginiñ bas prokurorı «Uşington post» basılımına jariyalağan pikirinde: «Biz alğa tartqan zañ ereje prezidentten eldiñ wlttıq müddesin bastı orınğa qoyudı talap etedi. Kerisinşe, jeke müddeni birinşi orınğa qoyuğa bolmaydı. Al bizdiñ prezident jeke müddemen el müddesin äli ajırata almay jür», – dep sınğa aldı.

Olar özderiniñ şağımın sotqa joldağanın aytıp otır.

“The Qazaq Times”