كولۋمبيا مەن مەريلەند شتاتتارىنىڭ پروكۋرورلارى ترامپتى سوتقا بەردى

اقش اقپارات قۇرالدارىنىڭ حابارىنا قاراعاندا، اقش-تىڭ كولۋمبيا جانە مەريلەند شتاتتارىنىڭ باس پروكۋرورلارى دۇيسەنبى كۇنى حابارلاما جاريالاپ، پرەزيدەنت دونالد ترامپ ۇستىنەن شاعىمدانعانىن ايتتى. ولار اقش پرەزيدەنتى جەمقورلىققا قارسى كونستيتۋتسيا ەرەجەلەرىن بۇزدى دەپ ايىپتاپ وتىر. بۇل تۋرالى “The Wall Street Journal” باسىلىمى حابارلاپ وتىر.

اتالعان شتاتتاردىڭ پروكۋرورلارى كونستيتۋتسيانىڭ «سىي اقى تۋرالى بابى» ترامپ جاعىنان قايشىلىققا ۇشىرادى دەپ ايىپتادى. اتالعان باپتا «اقش شەنەۋنىكتەرى شەتەلدىك ۇكىمەتتىڭ بەرگەن تارتۋ-تارالعىلارىن قابىلدامايدى» دەپ بەلگىلەنگەن.

مەريلەند شتاتىنىڭ پروكۋرورى، دەموكراتتار پارتياسىنىڭ مۇشەسى براين فورش مەن كولۋمبيا ەرەكشە وكرۋگىنىڭ باس پروكۋرورى «ۋشينگتون پوست» باسىلىمىنا جاريالاعان پىكىرىندە: «ءبىز العا تارتقان زاڭ ەرەجە پرەزيدەنتتەن ەلدىڭ ۇلتتىق مۇددەسىن باستى ورىنعا قويۋدى تالاپ ەتەدى. كەرىسىنشە، جەكە مۇددەنى ءبىرىنشى ورىنعا قويۋعا بولمايدى. ال ءبىزدىڭ پرەزيدەنت جەكە مۇددەمەن ەل مۇددەسىن ءالى اجىراتا الماي ءجۇر»، – دەپ سىنعا الدى.

ولار وزدەرىنىڭ شاعىمىن سوتقا جولداعانىن ايتىپ وتىر.

“The Qazaq Times”