Foto: Radio Azattık

Qırğız eliniñ Prezidenti Almazbek Atambaev "EKSPO-2017" Halıqaralıq körmesiniñ aşılu kezinde Qazaqstandı qızığıp qalğanın moyındadı, dep habarlaydı Sputnik. Prezident aytıp ötkendey ol qwnı 3 mlrd dollardı qwrağan körme keşeniniñ aşıluında bolğan.

"Eger men EKSPO üşin osınşa qarjı jwmsasam meni örtep jiberer edi. Bizde jol qwrılısı üşin 1 mlrd dollar qarız alasıñ, sonıñ özinde biraz qiındıq boladı. Mısalı biz 30 mln dollarğa Älemdik köşpendiler oyının ötkizdik. Soğan äli künge bwldanatındar bar. Al Qazaqstanda EKSPO-ğa basqaşa qaraydı. Bwl jerde adamdar bilikti qoldaydı. Şınımdı aytayın, qızığıp otırmın", - deydi Atambaev.

Ayta keteyik, EKSPO körmesi 10 mausımda jwmısın bastadı. Al bir kün bwrın 20 memlekettiñ prezidentteri men ükimet basşılarınıñ qatısuımen saltanattı aşıluı ötti. Körmeniñ aşıluına Almazbek Atambaev ta qatıstı.

«Astana EKSPO-2017» kompaniyasınıñ basşısı Ahmetjanovtıñ boljauınşa, EKSPO-nıñ qwnı şamamen 400 mlrd teñgeni qwraydı. Al Forbes basılımınıñ mälimetinşe, Astanadağı EKSPO-2017 körmesiniñ jalpı şığını 3 mlrd dollar. Bwl qazirgi dollar bağamımen - şamamen 950 mlrd teñge. Qarap twrsañız Esimovtıñ boljamı Forbes wsınğan mälimetke qarağanda az.

“The Qazaq Times”