Foto: rgmedia.kz

Astana äkimdigi 2017-2018 jıldarı jekeşelendiriletin nısandardıñ tizimin jariyaladı. Sonımen aldağı eki jılda qalada kommunaldıq menşiktegi 20 zañdı twlğa jekeşelendiriledi.

Jekeşelendiru narıqtağı bäsekelestikti ıntalandıruğa bağıttalğan. Kommunaldıq menşiktegi käsiporındar jeke kompaniyalardıñ qızmetin damıtu üşin jeke sektorlarğa ötedi.

Saudağa käsiporındarmen qatar, jeke twlğalar da qatısa aladı. Aukcion, tender nemese jabıq tenderlerge qatısu üşin:

1-qadam:

Tizilimniñ www.gosreestr.kz veb-portalına tirkelu qajet:

1) jeke twlğalar üşin: jeke säykestendiru nömiri (äri qaray JSN), tegi, atı, äkesiniñ atı (bar bolğan jağdayda);

2) zañdı twlğalar üşin: biznes säykestendiru nömiri (äri qaray BSN), tolıq atauı, birinşi jetekşiniñ tegi, atı, äkesiniñ atı (bar bolğan jağdayda);

3) kepildik jarnanı qaytaru üşin ekinşi deñgeyli banktegi esep-ayırısu şotınıñ rekvizitteri;

4) baylanıs derekteri (poştalıq meken-jayı, telefonı, faks, e-mail).

Joğarıda körsetilgen derekter özgergen jağdayda qatısuşı bir jwmıs küni işinde Tizilimniñ veb-portalına engizilgen derekterdi özgertedi.

2-qadam:

Qatısuşınıñ ECQ-men qolı qoyılğan sauda-sattıqa qatısu turalı ötinimin tirkeu.

Tenderge jäne jabıq tenderge qatısuşılar  elektrondıq (skanerlengen) köşirmelerin berumen qatar sauda-sattıq şarttarımen kelisetindigi jaylı ötinimdi tirkeydi:

1) tenderge qatısuşımen qol qoyılğan, tizilimniñ veb-betinde arnayı bölingen elektrondıq konvertke jükteletin bağalıq wsınıstı;

2) qatısuşılarğa (satıp aluşığa) qoyılatın qosımşa talaptardıñ säykestigi.

3-qadam:

Sauda-sattıqqa qatısu.

Jekeşelendirudiñ 2016-2020 jıldarğa arnalğan keşendi josparına say 2017-2018 jıldarı kommunaldıq menşiktegi 20 zañdı twlğa bäsekelestik ortağa tapsırıluı tiis. 2017 jılı 12 zañdı twlğanı jekeşelendiru josparlanğan.

Şildeniñ ayağına deyin 9 käsiporındı saudağa şığaru josparlanuda. Jekeşelendiru mäseleleri boyınşa komissiya jekeşelendirudiñ türi men ädisin anıqtaydı. Nısandardıñ bağalau qwnı bağalaudan keyin belgili boladı.

Jekeşelendiriletin nısandardıñ tizimin mına jerden köruge boladı:  https://upgs.gosreestr.kz/p/ru/UpgsSearch/second-wave-search

4-qadam:

Sauda-sattıq qorıtındısın bilu.

Aukcion qorıtındısı turalı hattama - aukcion qorıtındısın tirkeytin äri jeñimpaz ben satuşınıñ jariyalanğan bağa boyınşa jekeşelendiru ob'ektisin satıp alu-satu şartına qol qoyu mindetterin belgileytin qwjat bolıp tabıladı.

5-qadam:

Kelisim şartqa qol qoyu.

Aukcion ötkizilgen künnen bastap küntizbelik on künnen aspaytın merzimde jeñimpazdarmen qwjattardıñ tüpwnsqaları bar bolğan jağdayda satıp alu-satu kelisim şartına qol qoyıladı.

Sonımen birge aukcion, tender nemese jabıq tender jeñimpazı satuşığa satıp alu-satu şartına qol qoyğan kezde kelesi qwjattardıñ köşirmesin salıstırıp tekseru üşin tüpnwsqalarımen birge nemese notarialdı kuälandırılğan köşirmelerin wsınadı:

1) jeke twlğalar üşin: pasporttıñ nemese jeke twlğanıñ jeke basın kuälandıratın qwjat;

2) zañdı twlğalar üşin: zañdı twlğanı memlekettik tirkeu (qayta tirkeu) turalı kuälik nemese anıqtama.

Qwjattardıñ tüpnwsqaları salıstırıp tekseruden soñ bir sağat işinde iesine qaytarıladı.

Şeteldik zañdı twlğalar qazaq jäne/nemese orıs tilderinde notarialdı kuälandırılğan audarması bar qwrıltay qwjattarınıñ notarialdı rastalğan köşirmelerin wsınadı.

Sonımen qatar, jeñimpaz satuşığa satıp alu-satu şartına qol qoyğan kezde ötinimge tirkelgen qwjattardıñ tüpnwsqaların nemese notarialdı kuälandırılğan köşirmelerin wsınuı tiis.

“The Qazaq Times”