استانداعى مۇلىكتى جەكەشەلەندىرۋگە قاتىسقىڭىز كەلسە

استانا اكىمدىگى 2017-2018 جىلدارى جەكەشەلەندىرىلەتىن نىسانداردىڭ ءتىزىمىن جاريالادى. سونىمەن الداعى ەكى جىلدا قالادا كوممۋنالدىق مەنشىكتەگى 20 زاڭدى تۇلعا جەكەشەلەندىرىلەدى.

جەكەشەلەندىرۋ نارىقتاعى باسەكەلەستىكتى ىنتالاندىرۋعا باعىتتالعان. كوممۋنالدىق مەنشىكتەگى كاسىپورىندار جەكە كومپانيالاردىڭ قىزمەتىن دامىتۋ ءۇشىن جەكە سەكتورلارعا وتەدى.

ساۋداعا كاسىپورىندارمەن قاتار، جەكە تۇلعالار دا قاتىسا الادى. اۋكتسيون، تەندەر نەمەسە جابىق تەندەرلەرگە قاتىسۋ ءۇشىن:

1-قادام:

ءتىزىلىمنىڭ www.gosreestr.kz ۆەب-پورتالىنا تىركەلۋ قاجەت:

1) جەكە تۇلعالار ءۇشىن: جەكە سايكەستەندىرۋ ءنومىرى ء(ارى قاراي جسن), تەگى، اتى، اكەسىنىڭ اتى (بار بولعان جاعدايدا);

2) زاڭدى تۇلعالار ءۇشىن: بيزنەس سايكەستەندىرۋ ءنومىرى ء(ارى قاراي بسن), تولىق اتاۋى، ءبىرىنشى جەتەكشىنىڭ تەگى، اتى، اكەسىنىڭ اتى (بار بولعان جاعدايدا);

3) كەپىلدىك جارنانى قايتارۋ ءۇشىن ەكىنشى دەڭگەيلى بانكتەگى ەسەپ-ايىرىسۋ شوتىنىڭ رەكۆيزيتتەرى;

4) بايلانىس دەرەكتەرى (پوشتالىق مەكەن-جايى، تەلەفونى، فاكس، e-mail).

جوعارىدا كورسەتىلگەن دەرەكتەر وزگەرگەن جاعدايدا قاتىسۋشى ءبىر جۇمىس كۇنى ىشىندە ءتىزىلىمنىڭ ۆەب-پورتالىنا ەنگىزىلگەن دەرەكتەردى وزگەرتەدى.

2-قادام:

قاتىسۋشىنىڭ ەتسق-مەن قولى قويىلعان ساۋدا-ساتتىقا قاتىسۋ تۋرالى ءوتىنىمىن تىركەۋ.

تەندەرگە جانە جابىق تەندەرگە قاتىسۋشىلار  ەلەكتروندىق (سكانەرلەنگەن) كوشىرمەلەرىن بەرۋمەن قاتار ساۋدا-ساتتىق شارتتارىمەن كەلىسەتىندىگى جايلى ءوتىنىمدى تىركەيدى:

1) تەندەرگە قاتىسۋشىمەن قول قويىلعان، ءتىزىلىمنىڭ ۆەب-بەتىندە ارنايى بولىنگەن ەلەكتروندىق كونۆەرتكە جۇكتەلەتىن باعالىق ۇسىنىستى;

2) قاتىسۋشىلارعا (ساتىپ الۋشىعا) قويىلاتىن قوسىمشا تالاپتاردىڭ سايكەستىگى.

3-قادام:

ساۋدا-ساتتىققا قاتىسۋ.

جەكەشەلەندىرۋدىڭ 2016-2020 جىلدارعا ارنالعان كەشەندى جوسپارىنا ساي 2017-2018 جىلدارى كوممۋنالدىق مەنشىكتەگى 20 زاڭدى تۇلعا باسەكەلەستىك ورتاعا تاپسىرىلۋى ءتيىس. 2017 جىلى 12 زاڭدى تۇلعانى جەكەشەلەندىرۋ جوسپارلانعان.

شىلدەنىڭ اياعىنا دەيىن 9 كاسىپورىندى ساۋداعا شىعارۋ جوسپارلانۋدا. جەكەشەلەندىرۋ ماسەلەلەرى بويىنشا كوميسسيا جەكەشەلەندىرۋدىڭ ءتۇرى مەن ءادىسىن انىقتايدى. نىسانداردىڭ باعالاۋ قۇنى باعالاۋدان كەيىن بەلگىلى بولادى.

جەكەشەلەندىرىلەتىن نىسانداردىڭ ءتىزىمىن مىنا جەردەن كورۋگە بولادى:  https://upgs.gosreestr.kz/p/ru/UpgsSearch/second-wave-search

4-قادام:

ساۋدا-ساتتىق قورىتىندىسىن ءبىلۋ.

اۋكتسيون قورىتىندىسى تۋرالى حاتتاما - اۋكتسيون قورىتىندىسىن تىركەيتىن ءارى جەڭىمپاز بەن ساتۋشىنىڭ جاريالانعان باعا بويىنشا جەكەشەلەندىرۋ وبەكتىسىن ساتىپ الۋ-ساتۋ شارتىنا قول قويۋ مىندەتتەرىن بەلگىلەيتىن قۇجات بولىپ تابىلادى.

5-قادام:

كەلىسىم شارتقا قول قويۋ.

اۋكتسيون وتكىزىلگەن كۇننەن باستاپ كۇنتىزبەلىك ون كۇننەن اسپايتىن مەرزىمدە جەڭىمپازدارمەن قۇجاتتاردىڭ تۇپۇنسقالارى بار بولعان جاعدايدا ساتىپ الۋ-ساتۋ كەلىسىم شارتىنا قول قويىلادى.

سونىمەن بىرگە اۋكتسيون، تەندەر نەمەسە جابىق تەندەر جەڭىمپازى ساتۋشىعا ساتىپ الۋ-ساتۋ شارتىنا قول قويعان كەزدە كەلەسى قۇجاتتاردىڭ كوشىرمەسىن سالىستىرىپ تەكسەرۋ ءۇشىن تۇپنۇسقالارىمەن بىرگە نەمەسە نوتاريالدى كۋالاندىرىلعان كوشىرمەلەرىن ۇسىنادى:

1) جەكە تۇلعالار ءۇشىن: پاسپورتتىڭ نەمەسە جەكە تۇلعانىڭ جەكە باسىن كۋالاندىراتىن قۇجات;

2) زاڭدى تۇلعالار ءۇشىن: زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىك نەمەسە انىقتاما.

قۇجاتتاردىڭ تۇپنۇسقالارى سالىستىرىپ تەكسەرۋدەن سوڭ ءبىر ساعات ىشىندە يەسىنە قايتارىلادى.

شەتەلدىك زاڭدى تۇلعالار قازاق جانە/نەمەسە ورىس تىلدەرىندە نوتاريالدى كۋالاندىرىلعان اۋدارماسى بار قۇرىلتاي قۇجاتتارىنىڭ نوتاريالدى راستالعان كوشىرمەلەرىن ۇسىنادى.

سونىمەن قاتار، جەڭىمپاز ساتۋشىعا ساتىپ الۋ-ساتۋ شارتىنا قول قويعان كەزدە وتىنىمگە تىركەلگەن قۇجاتتاردىڭ تۇپنۇسقالارىن نەمەسە نوتاريالدى كۋالاندىرىلعان كوشىرمەلەرىن ۇسىنۋى ءتيىس.

“The Qazaq Times”