Foto: ontustik.gov.kz

Oñtüstikte  2017 jılı 57 eldi meken kögildir otınmen qamtıladı.  Osı  maqsatqa oblıstıq byudjetten 14,1 mlrd teñge jwmsalatın boladı. Bwl turalı  «Qazaqstan-Şımkent» telearnasında tikeley efirde twrğındardıñ swrağına jauap bergen Oñtüstik Qazaqstan oblısınıñ äkimi Janseyit Tüymebaev mälimdedi dep habarlaydı oblıs äkimdiginiñ baspasöz qızmeti.  

Jalpı, oblısta 844  eldi mekenniñ 300-i tabiği gazben qamtamasız etilgen. YAğni bwl öñirdiñ 1 755 307 twrğını kögildir otınğa qol jetkizizgen degen söz.

«Oblıstıñ eldi mekenderin 2017-2020 jıldar aralığında gazdandırudıñ keşendi is-şara josparı äzirlendi.  Josparğa säykes 2020 jılğa qosımşa 383 eldi mekendi gazdandıru josparlanıp otır.  2021 jılğa tabiği gazben qamtılğan eldi mekender sanın 683-ke nemese 2 mln. 720 mıñ  twrğınğa jetkizu mejelenip otır»,- dedi oblıs äkimi.

Sonday-aq, äkim twrğındardıñ auız su mäselesine qatıstı swraqtarına da jauap berdi.  Onıñ aytuınşa, ölkemizdegi  eldi mekender 73 payız  auız sumen qamtılğan. Bwl körsetkiş boyınşa  öñir respublikada 4-şi  orında.  Arnayı qabıldanğan bağdarlamağa say aldağı jıldarı 844 eldi mekenniñ 701-i, yağni 83 payızı  auız sumen qamtıladı.

Oblıs äkiminiñ mälimetinşe, Oñtüstik Qazaqstanda jıl soñına deyin 569 nısan nemese 1452 şaqırım jol men köşe, 3 jayau jürginşiler ötkelderi jäne 19 köpir qwrılıs-jöndeu jwmıstarımen qamtılatın boladı. Ol üşin byudjetten 30 mlrd teñgege juıq qarjı qaralğan.

“The Qazaq Times”