وڭتۇستىكتە 2017 جىلى 57 ەلدى مەكەن كوگىلدىر وتىنمەن قامتىلادى. وسى ماقساتقا وبلىستىق بيۋدجەتتەن 14,1 ملرد تەڭگە جۇمسالاتىن بولادى. بۇل تۋرالى «قازاقستان-شىمكەنت» تەلەارناسىندا تىكەلەي ەفيردە تۇرعىنداردىڭ سۇراعىنا جاۋاپ بەرگەن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ مالىمدەدى دەپ حابارلايدى وبلىس اكىمدىگىنىڭ ءباسپاسوز قىزمەتى.
جالپى، وبلىستا 844 ەلدى مەكەننىڭ 300-ءى تابيعي گازبەن قامتاماسىز ەتىلگەن. ياعني بۇل ءوڭىردىڭ 1 755 307 تۇرعىنى كوگىلدىر وتىنعا قول جەتكىزىزگەن دەگەن ءسوز.
«وبلىستىڭ ەلدى مەكەندەرىن 2017-2020 جىلدار ارالىعىندا گازداندىرۋدىڭ كەشەندى ءىس-شارا جوسپارى ازىرلەندى. جوسپارعا سايكەس 2020 جىلعا قوسىمشا 383 ەلدى مەكەندى گازداندىرۋ جوسپارلانىپ وتىر. 2021 جىلعا تابيعي گازبەن قامتىلعان ەلدى مەكەندەر سانىن 683-كە نەمەسە 2 ملن. 720 مىڭ تۇرعىنعا جەتكىزۋ مەجەلەنىپ وتىر»،- دەدى وبلىس اكىمى.
سونداي-اق، اكىم تۇرعىنداردىڭ اۋىز سۋ ماسەلەسىنە قاتىستى سۇراقتارىنا دا جاۋاپ بەردى. ونىڭ ايتۋىنشا، ولكەمىزدەگى ەلدى مەكەندەر 73 پايىز اۋىز سۋمەن قامتىلعان. بۇل كورسەتكىش بويىنشا ءوڭىر رەسپۋبليكادا 4-ءشى ورىندا. ارنايى قابىلدانعان باعدارلاماعا ساي الداعى جىلدارى 844 ەلدى مەكەننىڭ 701-ءى، ياعني 83 پايىزى اۋىز سۋمەن قامتىلادى.
وبلىس اكىمىنىڭ مالىمەتىنشە، وڭتۇستىك قازاقستاندا جىل سوڭىنا دەيىن 569 نىسان نەمەسە 1452 شاقىرىم جول مەن كوشە، 3 جاياۋ جۇرگىنشىلەر وتكەلدەرى جانە 19 كوپىر قۇرىلىس-جوندەۋ جۇمىستارىمەن قامتىلاتىن بولادى. ول ءۇشىن بيۋدجەتتەن 30 ملرد تەڭگەگە جۋىق قارجى قارالعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى