Foto: inform.kz

Qazaqstan Halıq banki AQChina CITIC Bank Corporation Limited-pen (odan arı - «SITIK-Bank») tolıqtay Qazaqstan Halıq bankiniñ ieligine jatatın enşiles wyımı «Altyn Bank» AQ-nıñ akcionerlik kapitalınıñ 60%-ın satu turalı kelisimge qol qoydı. Tranzakciya 2017 jıldıñ ekinşi jartısında ayaqtaladı dep kütilude.

Tranzakciya ayaqtalğannan keyin Kompaniyanıñ 40%-ı Halıq bankiniñ ieliginde qala beredi jäne Satıp aluşımen ornatılğan akcionerlik kelisimge säykes, kompaniyanı basqaru qwqığı küşine enedi.

«Qıtaylıq bağdarlama «Bir beldeu. Bir jol» şeñberinde qazaqstandıq kompaniyalar öz biznesin Qıtayda damıtqısı keletinin bayqaymız jäne bizder de klientterimizdiñ qajettilikterine baylanıstı äreket etemiz. Qıtay – qazaqstandıq biznes üşin qızmetter men tauarlardı ötkizu barısında ülken mümkindikterdi aşatın keleşegi bar narıq. «Altın bank» AQ öz kezeginde öziniñ qazaqstandıq klientterine qajetti banktik qoldau körsete aladı – mısalı, teñgeni tikeley yuan'ğa ayırbastau, saudalıq qarjılandıru, qazınaşılıq operaciyaları jäne nesielendiru boyınşa. CITIC Bank Altın Bank üşin strategiyalıq seriktes retinde rölin somdap, onıñ mümkindikterin keñeytip, märtebeli halıqaralıq qarjı institutı märtebesin jäne öz biznesiniñ mölşeri, sonday-aq CITIC Bank tehnologiyalarına qol jetkizu mümkindiginiñ arqasında Altın Bank narıqtağı öz wstanımın küşeyte aladı», - deydi «Qazaqstan Halıq banki» AQ Basqarma Törayımı Ümit Şayahmetova.

Ayta keteyik, «Altyn Bank» AQ (Qazaqstan Halıq banki AQ EB) Qazaqstan narığında «Qazaqstan HSBC Banki» AQ EB atauımen 1998 jıldan bastap narıqta. Halıq bank atalğan bankti 2014 jılğı qaraşa ayında satıp alğan.

Al CITIC -(China International Trust and Investment Corporation) Qıtaydıñ iri wlttıq investiciyalıq korporaciyalarınıñ biri. CITIC-tiñ negizgi maqsatı şetel kapitalın tartu jäne onı paydalanu, ozıq tehnologiyalardı engizu jäne onı öziniñ operaciyalıq qızmetin basqaru sätinde halıqaralıq ozıq täjiribesinde qoldanu. CITIC Group-tiñ CITIC Bank-ti qosa alğanda 44 enşiles wyımı bar. CITIC Bank-tiñ negizi 1987 jılı qalanğan. CITIC Bank Qıtayda, Gonkog jäne basqa da elderde keñ auqımdı banktik önimder jäne iri korporativtik klientterge, sonday-aq jeke twlğalarğa qızmetterin wsınadı.

“The Qazaq Times”