قازاقستان حالىق بانكى اقChina CITIC Bank Corporation Limited-پەن (ودان ارى - «سيتيك-بانك») تولىقتاي قازاقستان حالىق بانكىنىڭ يەلىگىنە جاتاتىن ەنشىلەس ۇيىمى «Altyn Bank» اق-نىڭ اكتسيونەرلىك كاپيتالىنىڭ 60%-ىن ساتۋ تۋرالى كەلىسىمگە قول قويدى. ترانزاكتسيا 2017 جىلدىڭ ەكىنشى جارتىسىندا اياقتالادى دەپ كۇتىلۋدە.
ترانزاكتسيا اياقتالعاننان كەيىن كومپانيانىڭ 40%-ى حالىق بانكىنىڭ يەلىگىندە قالا بەرەدى جانە ساتىپ الۋشىمەن ورناتىلعان اكتسيونەرلىك كەلىسىمگە سايكەس، كومپانيانى باسقارۋ قۇقىعى كۇشىنە ەنەدى.
«قىتايلىق باعدارلاما «ءبىر بەلدەۋ. ءبىر جول» شەڭبەرىندە قازاقستاندىق كومپانيالار ءوز بيزنەسىن قىتايدا دامىتقىسى كەلەتىنىن بايقايمىز جانە بىزدەر دە كليەنتتەرىمىزدىڭ قاجەتتىلىكتەرىنە بايلانىستى ارەكەت ەتەمىز. قىتاي – قازاقستاندىق بيزنەس ءۇشىن قىزمەتتەر مەن تاۋارلاردى وتكىزۋ بارىسىندا ۇلكەن مۇمكىندىكتەردى اشاتىن كەلەشەگى بار نارىق. «التىن بانك» اق ءوز كەزەگىندە ءوزىنىڭ قازاقستاندىق كليەنتتەرىنە قاجەتتى بانكتىك قولداۋ كورسەتە الادى – مىسالى، تەڭگەنى تىكەلەي يۋانعا ايىرباستاۋ، ساۋدالىق قارجىلاندىرۋ، قازىناشىلىق وپەراتسيالارى جانە نەسيەلەندىرۋ بويىنشا. CITIC Bank التىن بانك ءۇشىن ستراتەگيالىق سەرىكتەس رەتىندە ءرولىن سومداپ، ونىڭ مۇمكىندىكتەرىن كەڭەيتىپ، مارتەبەلى حالىقارالىق قارجى ينستيتۋتى مارتەبەسىن جانە ءوز بيزنەسىنىڭ مولشەرى، سونداي-اق CITIC Bank تەحنولوگيالارىنا قول جەتكىزۋ مۇمكىندىگىنىڭ ارقاسىندا التىن بانك نارىقتاعى ءوز ۇستانىمىن كۇشەيتە الادى»، - دەيدى «قازاقستان حالىق بانكى» اق باسقارما ءتورايىمى ءۇمىت شاياحمەتوۆا.
ايتا كەتەيىك، «Altyn Bank» اق (قازاقستان حالىق بانكى اق ەب) قازاقستان نارىعىندا «قازاقستان HSBC بانكى» اق ەب اتاۋىمەن 1998 جىلدان باستاپ نارىقتا. حالىق بانك اتالعان بانكتى 2014 جىلعى قاراشا ايىندا ساتىپ العان.
ال CITIC -(China International Trust and Investment Corporation) قىتايدىڭ ءىرى ۇلتتىق ينۆەستيتسيالىق كورپوراتسيالارىنىڭ ءبىرى. CITIC-ءتىڭ نەگىزگى ماقساتى شەتەل كاپيتالىن تارتۋ جانە ونى پايدالانۋ، وزىق تەحنولوگيالاردى ەنگىزۋ جانە ونى ءوزىنىڭ وپەراتسيالىق قىزمەتىن باسقارۋ ساتىندە حالىقارالىق وزىق تاجىريبەسىندە قولدانۋ. CITIC Group-ءتىڭ CITIC Bank-ءتى قوسا العاندا 44 ەنشىلەس ۇيىمى بار. CITIC Bank-ءتىڭ نەگىزى 1987 جىلى قالانعان. CITIC Bank قىتايدا، گونكوگ جانە باسقا دا ەلدەردە كەڭ اۋقىمدى بانكتىك ونىمدەر جانە ءىرى كورپوراتيۆتىك كليەنتتەرگە، سونداي-اق جەكە تۇلعالارعا قىزمەتتەرىن ۇسىنادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى