27 tamızda AQŞ-tıñ Reseyge Wlıbritaniya eks-tıñşısı Sergey Skripal' men onıñ qızı YUliya Skripal'diñ ulanuına baylanıstı salğan jaña sankciyaları öz küşine enedi. 

AQŞ Memlekettik departamenti Federaldıq reesterge sankciyanı küşine engzetini jaylı eskertken.  8 tamızda jariyalanğan sankciyağa say, AQŞ wlttıq qauipsizdigi salasımen baylanıstı tauarlar jäne Reseyge azamattıq maqsatta qoldanılatın önimderdi, tehnologiyalardı eksporttauğa tıyım salınadı. Bwğan qosa, Reseyge mwnay-gaz salasına qatısı bar elektronika men qosalqı qwrılğılar jetkizuge şekteu qoyılmaq.

Esteriñizge sala keteyik, AQŞ-tağı prezident saylauına Reseydiñ aralasqanı üşin Kongreske jaña zañ jobası engizilgen bolatın. Qwjatta Reseydiñ «Sberbank», «Gazprombank», VTB, «Vneşekonombank» sındı iri bankteriniñ jwmıs isteuine tıyım salu qarastırılğan. Jaña zañ Reseydiñ derbes qarızına baylanıstı tranzakciyağa şekteu qoyudı maqsat etedi. 2014 jılı Reseydiñ Ukraina şığısına jasağan agressiyası men Qırımdı anneksiyalağanı üşin Vaşington Mäskeuge sankciya saldı. Sodan beri eki derjava arasındağı kikiljiñniñ saldarı AQŞ salğan sansız sankciyalarğa wlasıp keledi. Sankciyalardıñ saldarınan Resey oligarhtarı men kompaniya basşıları «qoñız terip ketken» bolatın.

Osı uaqıtqa deyin Vaşington jariyalağan sankciyalarğa baylanıstı rubl' qwnısızdanıp ketken bolatın. AQŞ prezidenti Donal'd Tramptıñ psenimdiligne qarağanda, endi kezekti sankciya engizilgen künnen bastap, Reseydiñ jağdayı tipti älsirey tüspek. Demek, Tramp «dosıñ orıs bolsa, aybaltañ janıñda jürsin» – degen tämsildi berik wstanatın körinedi. Al özinen älsizderge küş körsetudi jön sanaytın V.Putinniñ bwl jolğı äreketin aldağı uaqıttarda köre jatarmız.

"The Qazaq Times"