Foto: liter.kz

Aqtau halıqaralıq teñiz portına logistikalıq erkin ekonomikalıq aymaq statusı berilui kerek. Mwnday mäseleni Mañğıstau oblısınıñ äkimi Eralı Toğjanov ükimet otırısında ayttı.

Onıñ sözinşe, mwnday status qabıldanğan jağdayda tauarlardı tasımaldau kezinde kedendik proceduralar jeñildep, arnayı ekonomikalıq aymaqta jük tasımalın 30%-ğa arttıradı.

Sonday-aq, ol teñiz portın damıtu üşin halıqaralıq strategiyalıq seriktesterdiñ biri arabiyalıq DP World kompaniyasın tartpaq niette ekenin atap ötti.

"Biz öz tarapımızdan osı kompaniya wsınatın qızmetterdiñ aqısın tölep beruge dayınbız. Ol şamamen 1,5 mln dollar boladı. Sondıqtan kelisimşart jasauda eşqanday kedergi joq", - dedi Toğjanov.

Qazirgi uaqıtta kelisimge qol qoyu jäne wsınılatın şarttar talqılanıp jatır.

Resmi mälimetterge süyensek, osı jıldıñ qañtarında Mañğıstau oblısı äkimdigi men arab kompaniyası arasında arnayı ekonomikalıq aymaqtıñ tiimdiligin arttıru üşin jäne  DP World serikteseri arasınan qosımşa investorlar tartu maqsatında memorandumğa qol qoyılğan.

“The Qazaq Times”