Foto: kapital.kz

2017 jılı memlekettik byudjettiñ tegin medicinalıq kömek körsetuge jwmsalatın şığını 32%-ğa ösip, 955,7 mlrd teñgeni qwraydı. Öytkeni soñğı 5 jılda bwl körsetkiş 3 esege artqan. 2019 jılı 1,1 trln teñgeni qwrauı mümkin. Jalpı alğanda ärbir qazaqstandıqqa tegin medicinalıq kömek körsetu üşin ortaşa eseppen 52 mıñ teñge jwmsaladı. Mwnday aldın ala derekterdi ranking.kz agenttigi keltirip otır. 

Sonday-aq, osı jıldıñ şildesinde mindetti medsaqtandıru ayasında 140 mln teñgege tegin emdeu jürgiziledi. Kelesi jılı bwl soma 331 mlrd teñgege, 2019 jılı 337 mlrd teñgeni qwrauı mümkin. Jıl soñına qaray mindetti medsaqtandıru qorına 662,2 mlrd teñge tüsedi degen boljam bar.

2016 jılı tegin kömek körsetu ayasında däri-därmekpen qamtamasız etu üşin memlekettik byudjet şığını  21%-ğa nemese 86,5 mlrd teñege deyin artqan. Al osı jılı tağı 8%,-ğa artıp, 93,7 mlrd teñgeni qwrauı mümkin.

Ayta keteyik, osı jıldıñ 1 şildesinen bastap mindetti medicinalıq saqtandıruğa tölemder qabıldana bastaydı. Özin-özi jwmıspen qamtitın halıqtıñ jarnaları 2017 jıldan bastap eñ tömen deñgeydegi bir jalaqı jäne sanatına baylanıstı barlıq tabıs türleri mölşeriniñ 2%-ın, 2020 jılı – 7%-ın qwraydı. Al memleket 2018 jıldıñ 1 qañtarınan bastap halıqtıñ äleumettik-qorğalmağan tobına 3,75%, 2018 jıldan bastap 4%, 2023 jıldan bastap 6%qarjı böledi. Jwmıs beruşilerdiñ jwmısşılarğa böletin jarnalarınıñ kölemi 2017 jıldıñ 1 şildesinen bastap 1% boladı, 2022 jıldan bastap körsetkiş 3%-ğa deyin köbeyedi.

“The Qazaq Times”