فوتو: kapital.kz

2017 جىلى مەملەكەتتىك بيۋدجەتتىڭ تەگىن مەديتسينالىق كومەك كورسەتۋگە جۇمسالاتىن شىعىنى 32%-عا ءوسىپ، 955,7 ملرد تەڭگەنى قۇرايدى. ويتكەنى سوڭعى 5 جىلدا بۇل كورسەتكىش 3 ەسەگە ارتقان. 2019 جىلى 1,1 ترلن تەڭگەنى قۇراۋى مۇمكىن. جالپى العاندا ءاربىر قازاقستاندىققا تەگىن مەديتسينالىق كومەك كورسەتۋ ءۇشىن ورتاشا ەسەپپەن 52 مىڭ تەڭگە جۇمسالادى. مۇنداي الدىن الا دەرەكتەردى ranking.kz اگەنتتىگى كەلتىرىپ وتىر. 

سونداي-اق، وسى جىلدىڭ شىلدەسىندە مىندەتتى مەدساقتاندىرۋ اياسىندا 140 ملن تەڭگەگە تەگىن ەمدەۋ جۇرگىزىلەدى. كەلەسى جىلى بۇل سوما 331 ملرد تەڭگەگە، 2019 جىلى 337 ملرد تەڭگەنى قۇراۋى مۇمكىن. جىل سوڭىنا قاراي مىندەتتى مەدساقتاندىرۋ قورىنا 662,2 ملرد تەڭگە تۇسەدى دەگەن بولجام بار.

2016 جىلى تەگىن كومەك كورسەتۋ اياسىندا ءدارى-دارمەكپەن قامتاماسىز ەتۋ ءۇشىن مەملەكەتتىك بيۋدجەت شىعىنى  21%-عا نەمەسە 86,5 ملرد تەڭەگە دەيىن ارتقان. ال وسى جىلى تاعى 8%،-عا ارتىپ، 93,7 ملرد تەڭگەنى قۇراۋى مۇمكىن.

ايتا كەتەيىك، وسى جىلدىڭ 1 شىلدەسىنەن باستاپ مىندەتتى مەديتسينالىق ساقتاندىرۋعا تولەمدەر قابىلدانا باستايدى. ءوزىن-ءوزى جۇمىسپەن قامتيتىن حالىقتىڭ جارنالارى 2017 جىلدان باستاپ ەڭ تومەن دەڭگەيدەگى ءبىر جالاقى جانە ساناتىنا بايلانىستى بارلىق تابىس تۇرلەرى مولشەرىنىڭ 2%-ىن، 2020 جىلى – 7%-ىن قۇرايدى. ال مەملەكەت 2018 جىلدىڭ 1 قاڭتارىنان باستاپ حالىقتىڭ الەۋمەتتىك-قورعالماعان توبىنا 3,75%، 2018 جىلدان باستاپ 4%، 2023 جىلدان باستاپ 6%قارجى بولەدى. جۇمىس بەرۋشىلەردىڭ جۇمىسشىلارعا بولەتىن جارنالارىنىڭ كولەمى 2017 جىلدىڭ 1 شىلدەسىنەن باستاپ 1% بولادى، 2022 جىلدان باستاپ كورسەتكىش 3%-عا دەيىن كوبەيەدى.

“The Qazaq Times”