Aqüydegi qantalapay. Foto: dailyworld.in.

AQŞ-tıñ köptegen ştattarı Federaldıq ükimetten täuelsiz sayasat wstanatındarın jariya ette. AQŞ prezidenti Donal'd Tramp «Parij klimat kelisiminen» bas tartu şeşimin qabıldauınan bir künnen keyin, Amerikanıñ köptegen ştattarı men qalaları Federaldıq ükimettiñ klimat sayasatınan täuelsiz, özderiniñ orta qorğau wstanımdarında berik twratındıqtarın jariya etti. Bwl turalı «The Wall Street Journal» basılımı habarlap otır.

Klimat jäne energetikalıq şeşimder ortalığınıñ mälimeti boyınşa, AQŞ-tıñ 20 ştatı men Uaşington qalası derbes özderiniñ parniktik gazdar şığarındıların tejeu sayasatın wstanatın bolıp şeşken. Al, keybir ştattar AQŞ-tıñ «Parij klimat kelisimin» atqaruın ötiniş etti. Parijde qol qoyğan kelisim boyınşa AQŞ 2025 jılğa jetkende, parniktik gazdar şığarındıların 2005 jılğa salıstırğanda 26-28 payızğa azaytatın bolıp uäde etken bolatın.

Kaliforniya gubernatorı Jerri Broun qazir federaldıq ükimetti wyaltatın özderiniñ klimattı jıludan qorğau standartın jolğa qoyıp otır. Tipti halıqaralıq klimattı oñau şarasına köşbasşılıq etuge de äzir. Özge ştattardı klimattı jıludan qorğau taqırıbı boyınşa mämilege şaqırmaq. Ol talqıda Obama ükimeti kezindegi parniktik gaz şığarındılarına degen neğwrlım qatañ erejeni nasihattamaq.

Beysenbi küni Tramp Aqüyde atalmış şeşimdi jariya etkennen keyin, Broun, N'yu-York gubernatorı Endryu Kuomodan, Vaşington gubernatorı Djey Insliy qatarlılar habarlama jariyalap jaña memlekettik keñes qwrudı ortağa saldı. Sol arqılı AQŞ ükimetiniñ «Parij klimat kelisimine» say parniktik gazdardıñ şığarındıların tejeu turalı ereje jasauı kerek degen wran köterdi.

“The Qazaq Times”