اقۇيدەگى قانتالاپاي. فوتو: dailyworld.in.

اقش-تىڭ كوپتەگەن شتاتتارى فەدەرالدىق ۇكىمەتتەن تاۋەلسىز ساياسات ۇستاناتىندارىن جاريا ەتتە. اقش پرەزيدەنتى دونالد ترامپ «پاريج كليمات كەلىسىمىنەن» باس تارتۋ شەشىمىن قابىلداۋىنان ءبىر كۇننەن كەيىن، امەريكانىڭ كوپتەگەن شتاتتارى مەن قالالارى فەدەرالدىق ۇكىمەتتىڭ كليمات ساياساتىنان تاۋەلسىز، وزدەرىنىڭ ورتا قورعاۋ ۇستانىمدارىندا بەرىك تۇراتىندىقتارىن جاريا ەتتى. بۇل تۋرالى «The Wall Street Journal» باسىلىمى حابارلاپ وتىر.

كليمات جانە ەنەرگەتيكالىق شەشىمدەر ورتالىعىنىڭ مالىمەتى بويىنشا، اقش-تىڭ 20 شتاتى مەن ۋاشينگتون قالاسى دەربەس وزدەرىنىڭ پارنيكتىك گازدار شىعارىندىلارىن تەجەۋ ساياساتىن ۇستاناتىن بولىپ شەشكەن. ال، كەيبىر شتاتتار اقش-تىڭ «پاريج كليمات كەلىسىمىن» اتقارۋىن ءوتىنىش ەتتى. پاريجدە قول قويعان كەلىسىم بويىنشا اقش 2025 جىلعا جەتكەندە، پارنيكتىك گازدار شىعارىندىلارىن 2005 جىلعا سالىستىرعاندا 26-28 پايىزعا ازايتاتىن بولىپ ۋادە ەتكەن بولاتىن.

كاليفورنيا گۋبەرناتورى جەرري بروۋن قازىر فەدەرالدىق ۇكىمەتتى ۇيالتاتىن وزدەرىنىڭ كليماتتى جىلۋدان قورعاۋ ستاندارتىن جولعا قويىپ وتىر. ءتىپتى حالىقارالىق كليماتتى وڭاۋ شاراسىنا كوشباسشىلىق ەتۋگە دە ءازىر. وزگە شتاتتاردى كليماتتى جىلۋدان قورعاۋ تاقىرىبى بويىنشا مامىلەگە شاقىرماق. ول تالقىدا وباما ۇكىمەتى كەزىندەگى پارنيكتىك گاز شىعارىندىلارىنا دەگەن نەعۇرلىم قاتاڭ ەرەجەنى ناسيحاتتاماق.

بەيسەنبى كۇنى ترامپ اقۇيدە اتالمىش شەشىمدى جاريا ەتكەننەن كەيىن، بروۋن، نيۋ-يورك گۋبەرناتورى ەندريۋ كۋومودان، ۆاشينگتون گۋبەرناتورى دجەي ينسلي قاتارلىلار حابارلاما جاريالاپ جاڭا مەملەكەتتىك كەڭەس قۇرۋدى ورتاعا سالدى. سول ارقىلى اقش ۇكىمەتىنىڭ «پاريج كليمات كەلىسىمىنە» ساي پارنيكتىك گازداردىڭ شىعارىندىلارىن تەجەۋ تۋرالى ەرەجە جاساۋى كەرەك دەگەن ۇران كوتەردى.

“The Qazaq Times”