Qazir älem tap bolıp otırğan eñ ülken qauiptiñ biri – jahandıq klimattıñ jılınuı. Biılğı jazda Europadağı aptap ıstıqtan mıñdağan adam köz jwmdı. Bir ğana Franciyanıñ özinen 1500-den astam adam qaza taptı.

Europadağı aptap ıstıq mausım ayınıñ soñına qaray bastalğan. Aua rayın boljauşı mamandar Oñtüstik jäne Ortalıq Europadağı aptap ıstıq Sahara şölinen keletin ıstıq aua jäne jahandıq jılınudıñ äseri dep boljağan. Franciyada mausım jäne şilde aylarındağı ıstıqtan iri şahar twrğındarı köbirek zardap şekti. Eldiñ Densaulıq saqtau ministrligi taratqan mälimette, aptap ıstıq 1500-den asa adamnıñ janın jalmağanı aytılğan. Degenmen, 2003 jılı şıjığan ıstıqtan qaza bolğandar sanınan 10 esege az.

Jahandıq klimattıñ jılınuı Grenlandiya araldarındağı mwzdıqtardı eritude. Ğalımdar biılğı jazda Grenlandiyadağı mwzdıqtardıñ erui rekordtıq deñgeyge jetkenin eskertude. Mwzdıqtardıñ erui Jer şarındağı teñiz deñgeylerin köterip, Bangladeş sekildi teñiz deñgeyinen säl ğana biik ornalasqan elder üşin qauip töndiredi. Ğalımdardıñ esebinde, Jer klimatınıñ jılınuı qazirgi qarqınmen jalğasa berse aldağı 30 jılda älemdegi 700 mln adamnıñ mekenin su basadı jäne eñ iri 10 qala su astında qaluı mümkin.

 

“The Qazaq Times”