Foto: Tengrinews

Almatıdağı avtoparkter qoğamdıq kölik jwmısın retteu üşin jergilikti bilikten subsidiya böluin talap etip otır. Tasımaldauşılardıñ aytuınşa, QR Käsipkerlik kodeksiniñ 124-4 babınıñ 6 tarmağına säykes, eger bekitilgen tarif jolauşılar tasımalına ketken şığındardı jappaytın bolsa jergilikti atqaruşı organdar subsidiya töleu kerek eken. Mwnday mälimetti Tengrinews.kz saytı keltirip otır.

"Biz subsidiyalaudı talap etemiz. Bwl zañ talabı. Bwl ükimette bekitilgen norma... Äleumettik mañızı bar marşruttarğa memleket tarifti özindik qwnınan tömen belgileydi. Biz mwnı bilemiz. Deval'vaciya bolğanğa deyin keybir marşruttardağı tarifter şığındı jabatın, al qazir onday joq. Bwrın avtobustar 15 mln teñge twratın, al qazirgi bağası 30 mln teñge", - deydi "Almatı qalalıq jolauşılardı tasımaldau käsiporındarınıñ qauımdastığı" zañdı twlğalar birlestiginiñ jetekşisi Säbit Amanbaev.

Amanbaevtıñ mälimetinşe, Almatı äkimdigi janındağı komissiya tasımaldauşılardıñ avtobustardağı jolaqınıñ özindik qwnı 149 teñge bolatın esebin teksergen. Alayda osığan qaramastan bilik tarapınan avtoparkterdiñ şığının jabuğa eşbir amal qarastırılmay otır.

"Tariftik komissiya bizdiñ "önim" 149 teñge bolatının eseptedi. Biraq eşbir äreket jasamay otır. Eger tarif köterilse qızmet körsetu mädenieti, qozğalıs kestesi jaqsarar edi. Biraq bizge är tranzakciya üşin 72 teñge töleydi. Biz tariftiñ köterilgenin swrap otırğan joqpız! Ol äkimdiktiñ qwzırında. Olar bağanı tüsirse de, köterse de, tegin jasasa da özderi biledi. Biraq jolaqınıñ özindik qwnı - 149 teñge. Al subsidiya beru - älemdik täjiribe. Eger mwnı istemese, käsipkerler auadan aqşa jasamaydı ğoy. Sodan keyin ünemdeymiz, layıqtı jalaqı tölenbeydi, bölşekter satıp alınbaydı, rezinalar auıstırılmaydı, qıs mezgiline de dwrıs dayın bolmaydı", - dedi Amanbaev.

Sonday-aq, ol ay sayın tasımaldauşılar arasında 1,4 mlrd teñgege juıq qarjı tapşılığı bolatının aytadı. Tipti qazirgi uaqıtta tasımaldauşılardıñ kreditorlar aldında 103 mlrd teñge qarızı bar eken.

Ayta keteyik, Almatı qalasınıñ 2017 jılğa arnalğan byudjeti 48,9 mlrd teñge bolıp bekitilgeni jäne onıñ 11,5 mlrd teñgesi servistik qızmet körsetetin ıñğaylı äri jaña 297 avtobustar men kölik twrağınıñ barınşa tiimdi jwmıs isteui üşin 40 evakuator satıp aluğa jwmsalatını turalı habarlanğan bolatın.

“The Qazaq Times”