Foto: Argumentı i Faktı

Mäskeude jarılıs jasamaqşı boldı degen küdikpen tört birdey «Islam memleketi» lañkestik wyımınıñ jaqtastarı wstaldı dep habarlaydı VVS aqparattar qızmeti.

Reseydiñ federaldı qauipsizdik qızmetiniñ (FSB) mälimetinşe wstalğandar Ortalıq Aziya men Resey azamattarı. Küdiktilerdiñ päterin tintu barısında üyden bomba jasaytın qwral-jabtıqtar men paydalanuğa dayın qoldan jasalğan jarılğış zattar tabılğan.

Bwdan bwrın jergilikti BAQ ökilderi Mäskeudiñ Novoperedelkin köşesindegi üylerdiñ birinen jarılğış zat tabılğanın habarlağan bolatın.

Iterfaks aqparat agenttiginiñ mälimetinşe, Novoperedelkin köşesi men Borovsk tasjolı qiılısında ornalasqan üylerdiñ birinen Reseyde tıyım salınğan «Hizbut-Tahrir» wyımınıñ dini kitaptarı tabılğan.

Reseydiñ federaldı qauipsizdik qızmeti bwğan deyin Başqwrtstan, Magadan oblısın men Tverde el aumağında terrorlıq wyımdardı qarjılandırıp jürgen bes adamdı wstağan.

Esteriñizge salayıq säuirdiñ 3 küni Reseydiñ Sankt-Peterburg qalasınıñ metrosında jarılıs bolıp, saldarınan 16 adam köz jwmğan bolatın. Osığan baylanıstı jarılıstı jasağan Akbarjon Jalilovpen qatısı bar degen küdikpen 11 adam qamauğa alınğan edi.

“The Qazaq Times”