فوتو: ارگۋمەنتى ي فاكتى

ماسكەۋدە جارىلىس جاساماقشى بولدى دەگەن كۇدىكپەن ءتورت بىردەي «يسلام مەملەكەتى» لاڭكەستىك ۇيىمىنىڭ جاقتاستارى ۇستالدى دەپ حابارلايدى ۆۆس اقپاراتتار قىزمەتى.

رەسەيدىڭ فەدەرالدى قاۋىپسىزدىك قىزمەتىنىڭ (فسب) مالىمەتىنشە ۇستالعاندار ورتالىق ازيا مەن رەسەي ازاماتتارى. كۇدىكتىلەردىڭ پاتەرىن ءتىنتۋ بارىسىندا ۇيدەن بومبا جاسايتىن قۇرال-جابتىقتار مەن پايدالانۋعا دايىن قولدان جاسالعان جارىلعىش زاتتار تابىلعان.

بۇدان بۇرىن جەرگىلىكتى باق وكىلدەرى ماسكەۋدىڭ نوۆوپەرەدەلكين كوشەسىندەگى ۇيلەردىڭ بىرىنەن جارىلعىش زات تابىلعانىن حابارلاعان بولاتىن.

يتەرفاكس اقپارات اگەنتتىگىنىڭ مالىمەتىنشە، نوۆوپەرەدەلكين كوشەسى مەن بوروۆسك تاسجولى قيىلىسىندا ورنالاسقان ۇيلەردىڭ بىرىنەن رەسەيدە تىيىم سالىنعان «حيزبۋت-تاحرير» ۇيىمىنىڭ ءدىني كىتاپتارى تابىلعان.

رەسەيدىڭ فەدەرالدى قاۋىپسىزدىك قىزمەتى بۇعان دەيىن باشقۇرتستان، ماگادان وبلىسىن مەن تۆەردە ەل اۋماعىندا تەررورلىق ۇيىمداردى قارجىلاندىرىپ جۇرگەن بەس ادامدى ۇستاعان.

ەستەرىڭىزگە سالايىق ءساۋىردىڭ 3 كۇنى رەسەيدىڭ سانكت-پەتەربۋرگ قالاسىنىڭ مەتروسىندا جارىلىس بولىپ، سالدارىنان 16 ادام كوز جۇمعان بولاتىن. وسىعان بايلانىستى جارىلىستى جاساعان اكبارجون جاليلوۆپەن قاتىسى بار دەگەن كۇدىكپەن 11 ادام قاماۋعا الىنعان ەدى.

“The Qazaq Times”