Foto: Alau-TV

2017 jıldıñ 1 mausımınan bastap dizel' otınınıñ akcizdik bağası tonnasına 9300 teñgeni qwraydı. Osılayşa onıñ bölşek bağası janarmay beketterindegi bağağa äser etui mümkin. Bwl turalı "QazMwnayGaz" AQ-nıñ baspasöz qızmeti habarladı.

Kompaniyanıñ tüsindiruinşe, dizel' otınınıñ akciz bağasın köteru merzimin mausım ayına auıstıru mamır jäne säuir ayındağı bağanıñ birden köterilip ketpeuine äser etken.

«Bwl şeşim egis nauqanı kezinde auıl şaruşılığı tauarların öndiruşilerge subsidiyalanğan dizel' otınınınıñ arzan bağamen beriluin qamtamasız etti.  Qazirgi kezde otın bağası iri janarmay beketterinde 135-136 teñgeden satılıp jatır. Al agrailerge wsınılğan bağa 122-128 teñgeni qwradı", - dep mälimdedi «QazMwnayGaz Önimderi» ökilderi.

2017 jıldıñ 1 mausımınan bastap dizel' otınınıñ akcizdik bağası tonnasına 9300 teñgemen bekiti turalı şeşim «Benzin (aviaciyalıq benzindi qospağanda) men dizel' otınına arnalğan akciz mölşerlemelerin bekitu turalı» Qazaqstan Respublikası Ükimetiniñ 2015 jılğı 13 naurızdağı № 133 qaulısına özgeris engizu turalı" QR Ükimetiniñ  2017 jıldıñ 31 naurızındağı Jarlığına säykes qabıldanğan. Endi akcizdik mölşerlemeniñ  köteriluine baylanıstı otınnıñ bölşek bağası litrine 7,3 teñege köteriledi jäne bwl janar-jağarmay beketterindegi bağağa äser etedi.

Kompaniya ökilderiniñ sözinşe, akciz mölşerlemesiniñ özgerui Qazaqstan men körşi elderdegi dizel' bağasınıñ ayırmaşılığın tömendetu üşin jasalıp otır. Sonday-aq, kögildir otın bağasınıñ birtindep köterilui narıqtağı tendenciyağa da baylanıstı eken. Mısalı basqa elderde benzin men dizel'diñ bağası teñ. Al Reseyde mwnday mwnay önimderiniñ bağası şamamen 208-209 teñgeni qwraytın körinedi.

"The Qazaq Times"