فوتو: الاۋ-تۆ

2017 جىلدىڭ 1 ماۋسىمىنان باستاپ ديزەل وتىنىنىڭ اكتسيزدىك باعاسى تونناسىنا 9300 تەڭگەنى قۇرايدى. وسىلايشا ونىڭ بولشەك باعاسى جانارماي بەكەتتەرىندەگى باعاعا اسەر ەتۋى مۇمكىن. بۇل تۋرالى "قازمۇنايگاز" اق-نىڭ ءباسپاسوز قىزمەتى حابارلادى.

كومپانيانىڭ تۇسىندىرۋىنشە، ديزەل وتىنىنىڭ اكتسيز باعاسىن كوتەرۋ مەرزىمىن ماۋسىم ايىنا اۋىستىرۋ مامىر جانە ءساۋىر ايىنداعى باعانىڭ بىردەن كوتەرىلىپ كەتپەۋىنە اسەر ەتكەن.

«بۇل شەشىم ەگىس ناۋقانى كەزىندە اۋىل شارۋشىلىعى تاۋارلارىن وندىرۋشىلەرگە سۋبسيديالانعان ديزەل وتىنىنىنىڭ ارزان باعامەن بەرىلۋىن قامتاماسىز ەتتى.  قازىرگى كەزدە وتىن باعاسى ءىرى جانارماي بەكەتتەرىندە 135-136 تەڭگەدەن ساتىلىپ جاتىر. ال اگرايلەرگە ۇسىنىلعان باعا 122-128 تەڭگەنى قۇرادى", - دەپ مالىمدەدى «قازمۇنايگاز ونىمدەرى» وكىلدەرى.

2017 جىلدىڭ 1 ماۋسىمىنان باستاپ ديزەل وتىنىنىڭ اكتسيزدىك باعاسى تونناسىنا 9300 تەڭگەمەن بەكىتى تۋرالى شەشىم «بەنزين (اۆياتسيالىق بەنزيندى قوسپاعاندا) مەن ديزەل وتىنىنا ارنالعان اكتسيز مولشەرلەمەلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 13 ناۋرىزداعى № 133 قاۋلىسىنا وزگەرىس ەنگىزۋ تۋرالى" قر ۇكىمەتىنىڭ  2017 جىلدىڭ 31 ناۋرىزىنداعى جارلىعىنا سايكەس قابىلدانعان. ەندى اكتسيزدىك مولشەرلەمەنىڭ  كوتەرىلۋىنە بايلانىستى وتىننىڭ بولشەك باعاسى ليترىنە 7,3 تەڭەگە كوتەرىلەدى جانە بۇل جانار-جاعارماي بەكەتتەرىندەگى باعاعا اسەر ەتەدى.

كومپانيا وكىلدەرىنىڭ سوزىنشە، اكتسيز مولشەرلەمەسىنىڭ وزگەرۋى قازاقستان مەن كورشى ەلدەردەگى ديزەل باعاسىنىڭ ايىرماشىلىعىن تومەندەتۋ ءۇشىن جاسالىپ وتىر. سونداي-اق، كوگىلدىر وتىن باعاسىنىڭ بىرتىندەپ كوتەرىلۋى نارىقتاعى تەندەنتسياعا دا بايلانىستى ەكەن. مىسالى باسقا ەلدەردە بەنزين مەن ديزەلدىڭ باعاسى تەڭ. ال رەسەيدە مۇنداي مۇناي ونىمدەرىنىڭ باعاسى شامامەن 208-209 تەڭگەنى قۇرايتىن كورىنەدى.

"The Qazaq Times"